RELIG. [Formule exclam. prononcée à la fin d'une prière, d'une invocation relig., pour exprimer l'adhésion à ce qui vient d'être dit] "Ainsi soit-il, qu'il en soit ainsi" : E ! Mere Dieu (...) Vueillez me regarder, et (...) En puissez estre loez, dame, Et que le sauvement de m'ame Y puist estre, et non autrement. Amen. (Mir. enf. ress., 1353, 4). Or prions a Dieu de cuer fin Qu'il le preingne et mette en sa gloire, S'ara noble et digne victoire. Amen. (MACH., P. Alex., p.1369, 274). Si pri Amours qu'en tel acort Soit, pour ce que miex l'aim que mi, Qu'elle me teingne pour ami. Amen. (MACH., Motés, 1377, 524). Par foy, dist ly contes, ma dame, je croy que vous dictes verité, car j'ay ouy dire que a la fontaine de dessoubz icellui rochier, a l'en veu advenir de maintes merveilleuses adventures. Mais, quant a lui [Remondin], je pry a Dieu qu'il lui en laisse bien joïr, a son preu et a son honneur. Amen, dist la dame. (ARRAS, c.1392-1393, 34). Or vous ay dit et devisé (...) comment la noble forteresse de Lusegnen en Poictou fut fondee, et retrait la noble et puissant lignie qui en est descendue des nobles gens qui la fonderent, dont Dieu vueille avoir les ames recommandees en son saint paradis qui est es siecles des siecles. Amen. (ARRAS, c.1392-1393, 307). Apres est le pater nostre qui nous enseigne que nous le devons appeller Pere (...). Et aussi lui prions qu'il ne nous laisse point pechier ne estre temptez, maiz nous delivre de mal, Amen. (Ménagier Paris B.F., c.1392-1394, 14). ...Et, par sa digne volenté, Garder un chascun en sa vie De tous les maulx d'épidémie. Amen. Hunc librum clausi, Christo laudes, sub Aprili. (LA HAYE, P. peste, 1426, 172). Prions à icellui Dieu, qui est vray juge, pere de misericorde et de consolacion, qu'il vueille cestuy corps mistique conseillier, nourrir, deffendre et diriger finablement à la vie eternelle, à laquelle nous vueille conduire le Pere, le Filz et le Saint Esperit. Amen. (BUEIL, II, 1461-1466, 79). Si je [Jésus] suis lié, mis en ostage, O filhes de Jherusalem, Par verité vous dy "Amen", Q'ung temps sera que vous arés Tant de maulx que vous mauldirés Vostre naiscence et vostre vie. (Pass. Auv., 1477, 190). LE PRESTRE. Et en ceste foy vous baptise In nomine Patris et Filii Et Spiritus sancti. LES PARRAINS TOUS ENSEMBLE. Amen. (Mir. st Nic. juif, c.1480-1500, 155). LE PRESTRE. Au departir, tous je vous pry Que vous ayez intelligence Des saincts faictz en vostre presence. Honnorez le sainct (...) Entretenez ce lieu et place Ou vous avez receu tel grace Que puissons tous assemblement Avec luy pardurablement La sus le veoir en Paradis. LE PREVOST. Amen, monseigneur. (Mir. st Nic. juif, c.1480-1500, 157). LE PREMIER MAISTRE (faisant le signe de la croix). In Nomine Patris et Filii et Spiritus Sancti, Amen (LA VIGNE, S.M., 1496, 331).

-

[Avec une nuance iron.] : ...[le comte] ne y mist point son entendement, ains se prist a rire et luy dist [à la comtesse déguisée en valet] : "Pensés du bien faire, doulx amis ! Que Dieux vous doinst bonne aventure et bon jour." "Amen" dit la dame (Comte Artois S., c.1453-1467, 108). Item, a Thibault de la Garde... Thibault ? je mens : il a nom Jehan, Que lui donrai ge que ne perde ? - Assez j'ay perdu tout cest an, Dieu y vueille pourvoir, amen ! (VILLON, Test. R.H., 1461-1462, 109).

-

P. iron. Dire / respondre amen. "Connaître, pratiquer le strict minimum d'usages religieux nécessaire pour pouvoir exercer une fonction ecclésiastique" : Maint foul et maint coquart a mis Et met chascun jour en office, Et fait tenir maint benefice A pluseurs qui ne scevent pas A la lettre que c'est do das [Éd. : «donnant, donnant»], Car decliner ne le sçaroient, Mais a la pratique s'arroient (...) ; Mais qu'il saiche après dire amen, Passer doit, estre archediacre, Acolite, prestre ou dyacre, (...) Cathedral : c'est bien sa besoigne Que de ce mot interpreter Pour grant benefice impetrer. (...) Mieulx vault a court que fort latin. (...) Or l'ont tant aprins un a un Ceuls qui en avoient mestier ; Dignes sont d'avoir un moustier Et de faire la beneiçon (DESCH., M.M., c.1385-1403, 168). Et moy je seroye soubz prieur, De chanter je ne craindroye femme, Fut ellë abessë ou dame, Et si respondroye bien amen. (Est., p.1460, 24).

-

Jusques amen. "Jusqu'au bout" : Et du premier commendement, De la Loy, qui dit qu'on doibt croire, (Non pas l'escot quant on va boire, Cela s'entend,) en ung seul Dieu : Jamais ne me trouvay en lieu Ou j'y creusse mieulx qu'a ceste heure, Mais qu'a ce besoing me secueure. (...) Je suis aussi simple, aussi coy Comme une pucelle, car quoy Dit le second commendement ? Qu'on ne jure Dieu vainement : Non ay je en vain, mais tresferme, Ainsi que fait ung bon gendarme, Car il n'est rien craint, s'il ne jure. (...) Et, pour Dieu, mon amy, que j'aille Jusques amen ! Miséricorde ! Relevez ung peu vostre corde, Ferez que le traict ne me blesse. Item, morbieu, je me confesse Du cinquiesme sequentement (Fr. arch. B., c.1468-1480, 43).