"Qui peut être divisé" : Or pueent estre et advenir paour et despense de peccune plus et plus et moins et encor moiens et trop et peu en mult de manieres, comment il est de toutes choses continues et divisibles ([ORESME, E.A.C., c.1370, 160]). Et n'est pas a entendre que toute magnitude ou tout continu soit divisible en la premiere maniere, quar ce est impossible par nature que deviser le ciel aussi comme l'en devise une busche en separant une partie de l'autre. ([ORESME, C.M., c.1377, 44]). [Nombreux ex. ds ce texte] Sy s'ensuit premierement que Dieu est chose indivisible et espirituelle car chose qui est materielle, divisible et corporelle n'est pas si parfaicte en ses parties comme en son tout, et comme est la chose espirituelle qui a toute sa vertus ensemble ([GERS., Trin., 1402, 160]). Premierement fin se prend pour terme, et par tele maniere quantité continuele, comme ce qui est long, lee et parfond, est infinie, car elle est divisible infiniement, pour ce que en chose qui a quantité continuele n'a point de terme en division, comme ne en nombre n'a point de terme en adjoustant. ([Somme abr., c.1477-1481, 132]). |
