"Ce qui met en feu le fer" : [Atropos] Ordure infecte, Regente frauduleuse, Cure refaicte, Gente calumnieuse, Dure planète, Tente [peu ?] scrupuleuse, Ort paludin, Civil embrase-fer, Laidure traicte, Sente contencieuse, Injure extraicte D'entente furieuse, Sort libidin, Très vil tizon d'Enfer. (LA VIGNE, Compl. roy Bazoche M.R., 1501, 391).
 

I. -

Au propre

A. -

"Fer, métal d'un blanc grisâtre" : Ce dieu n'as pas fait honnourer, Eins as fait les tiens aourer, Qui sont d'or, d'argent et de queuvre, De fer, de fust, de pierre, et d'ouevre Faite d'umainne creature. (MACH., C. ami, 1357, 31). ...ung relorge d'argent tout entièrement sans fer, qui fut du roy Philippe le Bel, avec deux contrepoix d'argent empliz de plomb. (Invent. mobilier Ch. V, L., 1379, 278). Par lequel courretier fu lors dit à lui qui parle qu'il avoit tant quis et serchié qu'il avoit sceu que en l'ostel de Jehan de Grant Rue, marchant demourant à Paris, avoit très grant quantité de fer, dont l'en faisoit au vendre le millier XVJ fr., et que ycellui de Grant Rue lui avoit dit qu'il le vendroit ce pris et riens moins (Reg. crim. Chât., II, 1389-1392, 488). Mes griffes sont toutes de fer, De quoy je la vays accrocher. (Pass. Auv., 1477, 112). ...par mynnes de souffre et fer (LE FORESTIER, Rég. épid. pest., 1495. In : Chrestom. R., 278).

-

[Attiré par l'aimant] : Car tout aussi com l'aïmant Attrait le fer, attrait l'amant Et l'amie celle nacelle, Quant loiauté leur est ancelle. (MACH., D. Lyon, 1342, 190). ...car vostre parfaite biauté et vostre fine douceur, qui attrait moi et mon cuer aussi come l'aymant attrait le fer, trairoient moi et mon cuer a eulz si doucement que riens ne me porroit grever que je feysse a vostre doulz commandement. (MACH., Voir, 1364, 594). Et ceste rayson est contre l'opinion de ceulz qui disoient que le centre meut et atrait a soy les choses pesantes, aussi comme l'aÿmant atrait le fer. (ORESME, C.M., c.1377, 146). Le fer est meu vers l'aÿmant par violence et toutevoies, il est meu plus isnellement en la fin du mouvement quant il approche de l'aÿmant, je respon que les choses autres ne sont pas parelles, quar la vertu de l'aÿmant est plus grande et oeuvre plus fort pres de l'aÿmant que loing, et pour ce, elle attrait le fer. (ORESME, C.M., c.1377, 146). L'aymant est une pierre obscure (...) et a une proprieté especial de attraire a soy le fer, sy come on peut veoir evidanment quant on met pres de la pierre une aguille (EVR. CONTY, Eschez amour. mor. G.-T.R., c.1400, 614).

.

Fer vif. "Aimant" : Sanz faille, aucuns philosophes soutilz dient que ceste pierre attrait ainsy le fer de sa nature pour une naturele conformité et pour une similitude naturele et secrete que le fer a a ly et elle aussi au fer ; et pour ce ont aucuns appellés ceste pierre fer vif. (EVR. CONTY, Eschez amour. mor. G.-T.R., c.1400, 615).

-

Subst. + de fer : Asservis sui, qui m'est chose trop vil(l)e, Car il m'estuet mettre aus murs de la ville ; Et si vuet on que je veille à la porte Et qu'en mon dos la cote de fer porte ; Ou il convient qu'ailleurs demourer voise Et laissier Reins, dont petit me renvoise. (MACH., Compl., 1340-1377, 251). SECOND HERMITE. (...) Voz instrumens de fer prenez, Et avec moy vous en venez Argent gaingnier. LE FÉVRE. Sire, voulentiers sanz dangier. (Mir. st Guill., c.1347, 26). ...il a recongneu ès mains dudit Levesque certaine ferraille, comme boucles, virolles, cheines et autres menues ferrailles de fer (Reg. crim. Chât., I, 1389-1392, 36). Lesquelx Beaubarbier et Caisin estoient garniz chascun d'une espée et d'une taloche, arc et sayetes, et ledit Caisin d'une cote de fer et d'un bracelez de fer, qu'il avoit vestus et miz (Reg. crim. Chât., I, 1389-1392, 64). ...il lui avoit emblé les ostils de carriere qui s'ensuient, c'est assavoir : un barreau, un mail, trois coings, un pic, tous de fer (Reg. crim. Chât., I, 1389-1392, 239). ...une paire de chienès de fer (Reg. crim. Chât., II, 1389-1392, 260). ...il avoit donné une paile de fer et une cuillier d'arain. (Reg. crim. Chât., II, 1389-1392, 304). Les uns saillent, les aucuns luttent, les autres gectent la pierre ou la barre de fer ou la lance ou la darde. (ARRAS, c.1392-1393, 178). ...et s'entragrappent de bons grappins de fer. (ARRAS, c.1392-1393, 218). ...et s'en va ou lieu ou il savoit bien que Melusigne s'en aloit tous les samedis, et treuve un fort huis de fer, moult espez, et sachiez de vray que oncques mais n'avoit esté si avant. (ARRAS, c.1392-1393, 241). Il entra ens et vint en la sale, ou il avoit une grant geole de fer, ou il avoit dedens bien C. hommes du pays que le geant tenoit prisonniers. (ARRAS, c.1392-1393, 266). Et y avoit bons anneaulx de fer au travers, pour soustenir la biere, se on vouloit mettre le corps, car la avoit il ordonné sa sepulture. (ARRAS, c.1392-1393, 290). A chaines de fer devaler Se fist en mer, et tant aler Parfont volt que jusqu'au gravier Fu (CHR. PIZ., M.F., IV, 1400-1403, 59). Ce jour, a rendu le graphier IJ clefs du cofre de fer appartenent à l'execution de l'arcevesque de Besançon (BAYE, I, 1400-1410, 129). Item, une donzelle de fer à mectre ung pot de terre boulir sur le feu. 21 s. Item, une petite chaudière de fer. Item, une grille de fer. Item, ung haste de fer ensemble la chièvre. Item, deux cheminaux de fer. Item, deux casses frissoires. (Aff. Jacques Coeur M., 1453-1457, 326). ...aussi fait Pline, qui dit qu'il fut le premier qui trouva la maniere de porter aneaux ès doiz, fit porter aux nobles l'or, aux liberes l'argent, aux sers aneaux de fer et ainsi des autres. (SIMON DE PHARES, Astrol., c.1494-1498, f° 21 r°). ...les grosses boulles de fonte, de plomb et de fer (LA VIGNE, V.N., p.1495, 278).

.

Cotte de fer. "Cotte de mailles" : Et si vuet on que je veille à la porte Et qu'en mon dos la cote de fer porte (MACH., Compl., 1340-1377, 251). ...armé de jaques, de cote de fer, capeline, gantelez et demie lance (Reg. crim. Chât., I, 1389-1392, 58). Requis où il avoit prins icelle cote de fer, avec un bacinet à camail, une piece d'acier, uns gantelez, uns gardes-bras et harnais de jambes... (Reg. crim. Chât., II, 1389-1392, 258). ...une cotte de fer appartenant à un escuïer (Reg. crim. Chât., II, 1389-1392, 452). ...il li percha l'esqut et le cote de fier et la plate d'achier qui estoit desus (FROISS., Chron. D., p.1400, 350).

.

Instruments de fer. "Instruments chirurgicaux" : ...les [instruments] communs [des chirurgiens] : les aulcuns sont medicinaulx et les aultres sont de fer. (PANIS, Guidon, 1478, chap. sing.).

.

Limaille de fer : Il n'est mie aussi doubte que, qui avec limaille de fer mesleroit limaille d'argent et d'arain et des autres metaulx quelconques et se apliquast la pierre d'aymant par dessus a son endroit, on trouveroit que la pierre attrairoit le limaille de fer tant seulement et ne attrairoit riens des autres metaulx. (EVR. CONTY, Eschez amour. mor. G.-T.R., c.1400, 615).

-

Part. passé + de fer : Quoy plus, on treuve, selon ce que tesmoignent aucunes escriptures, que les grans nefs mesmez, quant elles sont chevillies de fer et elles vont trop pres d'aucunes roches qui sont de la nature de pierre d'aymant, ilz sont par la vertu de ceste pierre atraictes et les y convient demourer (EVR. CONTY, Eschez amour. mor. G.-T.R., c.1400, 615).

-

Couleur de fer : Premiers ly fin dyamant soy traihent tout al regarder, à coulour de fier poly, quant il sont assis en ouvrage. (MANDEVILLE, Lap. M., c.1350-1390, 175). L'aymant est une pierre obscure qui a aussi come couleur de fer, laquelle croist en Ynde, selon les escriptures, et a une proprieté especial de attraire a soy le fer (EVR. CONTY, Eschez amour. mor. G.-T.R., c.1400, 614).

.

P. ell. De fer : Cil qui songe qu'il siet sur un cheval blanc ou bleve, signifie honneur ou leesce pour luy ; se le cheval est noir, bien pour luy tant seulement ; et se le cheval est de fer, joie signifie. (Expos. songes B., 1396, 256).

-

Fer blanc. V. fer-blanc

-

Fer d'Espagne. "Acier de Catalogne" : Duquel marchant icellui Tanquere acheta du consentement de lui qui parle XXVIIJ milliers de fer d'Espaigne au pris chascun millier XVJ fr. (Reg. crim. Chât., II, 1389-1392, 488).

-

Fil de fer. V. fil

-

Age de fer. V. age

-

[Terme de compar. ou d'évaluation]

.

Plus dur que fer à macher. "Plus dur que fer sous la dent, plus dur à mâcher que le fer" : Faulse beaulté qui tant me couste chier, Rude en effect, ypocrite doulceur, Amour dure plus que fer a macher, Nommer que puis, de ma deffaçon seur, Cherme felon, la mort d'un povre cueur, Orgueil mussé qui gens met au mourir, Yeulx sans pitié, ne veult droit de rigueur, Sans empirer, ung povre secourir ? (VILLON, Test. R.H., 1461-1462, 83).

.

Plus fort que fer. "Extraordinaire, incroyable" : Pour quoy seroit plus fort que fer, Qu'ung sainct homme y fust absorbi [en enfer], Et ung larron fust afranchi. (MARCADÉ, Myst. Pass. Arras R., a.1440, 204).

.

Estre de vieux fer ou de peautre. "Être un bon à rien" : Suis je de viel fer ou de peaultre ? Je vaulx ung homme comme ung autre, A bouter en ung viel destroit. (Myst. Pass. Troyes B., a.1482, 718).

B. -

En partic. [Sous l'action du feu (où le fer peut être battu, dans le travail du forgeron)] : ...et est [le bouc] comme dit Ysodoires vne beste tres chaulde de la quelle le sang ramolie l'aymant qui est la plus dure chose que soit ainsi comme le feu fait l'eser [l. le fer]. (Best. hérald. H.E., c.1435-1450, 473).

-

Fer ardent : ...car l'amour de Dieu recoit et croit conseil, et est ployant et doulce a l'exemple de fer ardent, mais l'autre non. (GERS., P. Paul, a.1394, 501).

-

Fer chaud : ...de tant comme feu est en matiere plus grosse et plus compacte et moins subtille, de tant est il plus violent et plus actif, si comme en un fer chaut plus que en un tison de busche et en un tison plus que en flamme (ORESME, C.M., c.1377, 402).

-

Battre comme (vieux) fer. "Battre vigoureusement" : Se je ne feusse en ces lyens Tenu en la maison d'anfer, Je vous batisse comme fer, Trahites dyables malheureux ! (Myst. st Adr. P., c.1450-1485, 139). LUCIFER. Aussi vous n'y soiez faintiz De les batre comme viez fer Ou plus parfond de nostre enfer, Sans leur donner quelque alegence. (Myst. st Adr. P., c.1450-1485, 181).

-

Battre le fer chaud : L'aultre, qui entendoit son latin (...), s'advisa de batre le fer tantdiz qu'il estoit chault (C.N.N., c.1456-1467, 91). Rués bombardes, Batés le fer quant il est chault, A l'arme. (MOLINET, Myst. st Quentin C., c.1482, 30).

.

Prov. : Car on doit le fer batre (,) Entendis qu'il est chault. (DUPIN, Mélanc. L., c.1324-1340, 64). Et le fer chaut, on le doit batre. (MACH., R. Fort., c.1341, 75). Car quant li fers est caus, on i doit ferir sus. (Baud. Sebourc B., t.1, c.1350, 95). On doit batre le fer en tant conme il est chaulx. (CUVELIER, Chans. Guescl. F., c.1380-1385, 439). Beaulx seigneurs, entretant comme le fer est chault, on le doit batre. (ARRAS, c.1392-1393, 169). Le fer est chault, il le fault batre (CH. D'ORLÉANS, Rond. C., 1443-1460, 347). Car tandis que le fer est chault Il le fault batre. (Myst. Viel test. R., t.5, c.1450, 235). ...en tant que le fer est chault on le doit batre (Hist. seign. Gavre S., c.1456, 169). Batez le fer quant il est chault. (MIÉLOT, Prov. U., 1456, 192). ...et dient les maistres qu'il fait bon batre le fer quant il est chault (BUEIL, II, 1461-1466, 222). ...tandis que le fer est chault que len le doit battre (WAVRIN, Chron. H., t.1, p.1471, 195). Il convient batre le fer chault (Sots gard., a.1488, 111).

Rem. Prov. H., 111 [F51].

-

Battre le fer froid. "Faire qqc. en vain, s'agiter inutilement" : Vos bateis li frois fier, car philosophie ne s'acorde mie à chu. (JEAN D'OUTREM., Myr. histors B.B., t.3, a.1400, 246). Estonné, tu bas froit fer. Tu es maintenant fort eschauffé sans feu de charbon ! Or te rappaise et t'en vas armer (Percef. III, R., t.1, c.1450 [c.1340], 354).

.

Loc. fig. Battre froid fer en qqn. "Perdre sa peine, son énergie auprès de qqn ; agir, intervenir en vain auprès de qqn" : Et faisoit ses doleances et complaintes les plus piteuses du monde et les mieulx colorees, et tellement que ledit messire Guillame et les aultres perceurent bien qu'on batoit froit fer en luy, et qu'a grant peine on le retireroit de la ou il estoit pour presse ne priere qu'on en feist, se de luy mesmes ne venoit et de la grace de Dieu. (CHASTELL., Chron. IV, D., c.1461-1472, 88).

-

[Le fer rouge pour marquer, pour mutiler] : A ces deux ci, pour leur meffait, Vueil que d'un fer chaut te deduises Si que touz les jarraiz leur cuises (Mir. ste Bauth., c.1376, 147). ...et a le seconde fois qu'il y sera repris, on li la leure de la bouche deseure, d'un fer chaut (Doc. 1397. In : Ch. Doutrepont, Z. fr. Spr. Lit. 22, 1900, 131). En ce pays font les gens en leur front enseingne d'ung chaut fier pour recognoistre. (JEAN D'OUTREM., Myr. histors G., a.1400, 160).

.

[Pour cautériser] : Et, se un chien est mors d'un autre chien enragié, ce est bonne chose le pertuisier, environ la morsure, d'un fer chaut. (GAST. PHÉBUS, Livre chasse T., 1387-1389, 116).

Rem. Cf. aussi Chir. chevaux P., c.1325-1350 (gloss.).

.

[Dans l'épreuve judiciaire qui fait intervenir Dieu comme juge] : ...pour prouver son dit, porta ung fer chault à tout la main nue, disant qu'il n'estoit que ung seul Dieu tout puissant, par laquelle chose ledit roy Allart et toute sa famille se convertit à Dieu et à sa loy et foy. (SIMON DE PHARES, Astrol., c.1494-1498, f° 109 r°).

.

Mettre les fers au feu. "S'engager dans l'action punitive (comme pour marquer au fer rouge)" : SALOMON. (...) J'en feray cruelle justice. (...) BANANYAS. Noble et puissant roy Salomon, Les fers au feu vous convient mettre. (Myst. Viel test. R., t.4, c.1450, 290).

II. -

P. méton.

A. -

"Partie en fer d'un objet ou garniture de fer"

1.

"Partie en fer d'un objet"

a)

"Partie métallique d'une arme ; pointe, extrémité en fer (d'une lance, d'une flèche...)" : De ton sanc sera taint le fer De ceste lance (Mir. emp. Julien, 1351, 196). LIBANIUS. Certes, au cuer me fist grant hide Quant de ce fer li vi donner (...) ; Et congnois bien que, sanz doubtance, C'est le propre fer de la lance Qui le tua. (Mir. emp. Julien, 1351, 211). Là fu Hues ly Mainés qui les fleurs de lis prent, (...) Ly bers Thumas de Marle, qui par son hardement Se fist as fiers de lance eslever hautement Dessus les nobles murs, machonnés noblement (God. Bouillon R., t.2, c.1356, 383). La saiette mist en la coche, Moult fort tire et elle descoche ; Le dieu d'enfer tel cop en baille Que tout droit parmi la coraille Li a mis le fer et le fust. (MACH., C. ami, 1357, 86). ...Comment on doit son Dieu amer Et son proisme sans point d'amer ; Et comment sa mort pardonna Au faus Juif, qui li donna Eu costel dou fer de sa lance, Et aus autres qui, par sentence, Sans cause, à mort le condampnerent Et en crois le crucifierent. (MACH., P. Alex., p.1369, 241). Et celui qui jouste d'une lance ferree et agüe et cuide qu'elle soit senz fer et ronde au bout devant, et par ce navre son amy (ORESME, E.A., c.1370, 181). Et, d'autre part, monta Oliviers moult vistement, et prist la lance au fer trenchant. (ARRAS, c.1392-1393, 62). Et le roy baisse la lance et fiert un crestien par telle vertu qu'il lui met fer et fust et pennon tout par my le corps, et l'abbat mort a la terre. (ARRAS, c.1392-1393, 184). Lors laisse la lance couler aval, et tint le fer en la main, et entre les piez devant ou pertuis, et se laisse couler aval la lance. Et quant il vint au fons, si print la lance par le fer, et s'en va par my un estroit sentier, et voit au long grant clarté. (ARRAS, c.1392-1393, 265). Li dus de Bourgongne, où tant ot de vaillanche, Fist droit à son hostel pointurer la samblanche D'un rocet, d'un rabot et dou fier d'une lanche (Geste ducs Bourg. K., c.1410-1419, 312). Or ça, ça ! j'ay du temps jadis De glaves et de vieus cousteulx, De goudendars et de martiaulx (...) De heaulmes et de bachinés, De fers de lances a jouster, Et belles targes pour porter (MARCADÉ, Myst. Pass. Arras R., a.1440, 131). ...comme a Dieu pleut actaint le Turcq de sa lance par l'estroit de sa baviere qu'il lui mist tout le fer dedens (LA SALE, J.S., 1456, 218). ...ouquel conflict lesdiz escolliers frappèrent sur la pertizanne dudit Pierre Michelon tellement que le bois rompit auprès du fer et tumba en la rue. (Doc. Poitou G., t.12, 1476, 106). ...et ne scet et n'est recors, pour occasion de ladicte noise dont il estoit troublé, si en passant il donna du retour de sadicte javeline ung coup audit Janvret, ou non ; mais scet bien qu'il ne luy presenta point le fer de ladicte javeline. (Doc. Poitou G., t.12, 1479, 257).

-

"Arme de fer, arme de jet munie d'une pointe de fer" : Et puis après A grans roches tout entour, nom pas près, Eins sont si loing dou chastel qu'il n'est fers, Engiens, ne ars qui y getast jamès. (MACH., J. R. Beh., c.1340, 110). ...ont esté mors des gens d'armes du Roy et du duc de Bourgoigne plus de VIIIm, comme l'en dit, que de fer que de povreté, mesaise et necessité (BAYE, II, 1411-1417, 84). Aussi se font certaines poisons si fortes et tant mortelles que fer qui en fust touché et puis entrast ou corps de l'omme jusques au sang sans plus, seroit playe mortelle. (BUEIL, II, 1461-1466, 58). ...il eubt conseil de deslogier sans les attendre celle part et de les querir au fer de la lance. (MOLINET, Chron. D.J., t.1, 1474-1506, 303). ...requerant à courre ung fer de lance devant les dames. (MOLINET, Chron. D.J., t.2, 1474-1506, 234). Appert aussi en l'istoire de Josephus De Judaico Bello que lui, qui fist le Temple en Jherusalem, le fist par constellacions en evitant les infortunes de Saturne et de Mars, car onques fer n'y toucha en l'appareil d'icelui (SIMON DE PHARES, Astrol., c.1494-1498, f° 34 r°).

.

Fer à glaive / fer à vireton : ...seixante hommes arméz de fer à glaives (Trés. Reth. S.L., t.2, 1366, 178). ...I millier de fers à viretons pour la garnison dudit chastel d'Évreux livrez à Guillaume Arnaut, chastellain du lieu (Compte Navarre I.P., 1367-1371, 79).

-

Fer barbelé. "Pointe de la flèche munie de barbes ou d'arêtes" : ...et d'abondant, ledit escuïer est tenu (...) rendre et païer chacun an au terme saint Michiel (...) quarante sayettes enpanées d'oe grise et liées de fil, et quarantte fers barbeléz (HECTOR DE CHARTRES, Cout. R., 1398-1408, 79).

-

Fer volant. "Arme de jet" : Cil qui songe qu'il fiert un autre d'une saiete ou qu'il en soit feru par quelconque fer volant... (Expos. songes B., 1396, 131).

-

[Dans un cont. métaph.] : ...De ce m'estoit maistresse bonne Qui m'aprenoit a bonne escole Que n'eüsse largesse fole, Avarice, n'escharseté Que largesse het sans pité, Et seur tout qu'en moy fer ne fust Dou dart d'avarice ne fust, Qui tout autre bien fait perir Par tout ou il se puet ferir. (MACH., R. Fort., c.1341, 10). ...Et le jaune, c'est fausseté. Mais retien les quatre premiers [bleu, rouge, noir, blanc] Et laisse les deus darreniers [vert, jaune] ; Car s'en l'escu fussent posées, Les armes en fussent faussées. Mais le fer ardant de la flesche Qui le cuer toudis art et seche, Saches certeinnement qu'il art Et bruïst par si soutil art Qu'il n'i pert tache ne arsure, Trace, plaie, ne blesseüre... (MACH., R. Fort., c.1341, 69). La parlames de nos amours, Des griés, des paines, des clamours Que Desirs fait aus vrais amans Et aus dames qui sont amans ; Comment il vient, lance sur fautre, Assembler a l'un et a l'autre ; Comme il les assaut et detaille De sa lance dont li fers taille ; Comment il les navre et defent, S'Esperance ne les deffent. (MACH., Voir, 1364, 330).

-

Ne craindre ne fer ne fust. "Ne rien craindre" : ...il ne cremoit fust ne fier. (Dit prunier B., c.1330-1350, 45). Je ne craindray ne fer ne fu, Se je suis une fois armé Et dedans mon harnoys fermé (Myst. st Laur. S.W., 1499, 138).

-

Tenir fer à coste contre. "Attaquer par les armes, lutter contre" : Aire tint fer a coste Contre les mammelus (MOLINET, Faictz Dictz D., 1467-1506, 260).

b)

"Partie en fer d'un outil" : ...Fer de congnie et fer de hache (GUILL. DIGULL., Le Dit de la fleur lys P., 1338, 340). ...ycellui de La Ramée tenoit une hache, sur laquelle il se apuyoit, à son huis, et avoit ycelle hache le manche quarré, et tenoit le fer contremont, sur lequel il se apuyoit. (Reg. crim. Chât., I, 1389-1392, 414). A Pierre Cusquel pour XVII picquois et pour XXV fers a pelle (Comptes Archev. Rouen J., 1460-1461, 316).

-

Bailler de tel fer tel couteau : ...il bailleroit de tel fer tel coutel (MICHAULT, Procès honn. F., p.1461, 53).

c)

"Partie d'une balance" : ...se li peseur trouvoient aucun des dras dessus dit pesant mains que deseure est dit et deviset, il doivent mettre le langhe de le balanche entre 2 fiers, et puis laissier le balanche couvenir, sans le drap aidier ne grever. Et se li pois emporte le drap, mettre doivent sour le drap un quartron et dont remettre le langhe de le balanche entre 2 fiers ensi que devant. Et ensi le doivent-il remettre de quartron en quartron jusques a le livre. (Drap. Valenc. E., 1344, 285).

2.

"Garniture en fer (ou p. ext. en métal) d'un objet"

a)

Fer d'aiguillette. "Pointe de métal terminant une mince courroie et permettant de la passer dans un trou" : À Jeacques d'Escalles, orfèvre, la somme de sept florins ung gros, pour le bout de la sainture sainte Marguerite émaillée, et pour deuz bouts et faczons de fers d'aiguillétes (Comptes roi René A., t.1, 1480, 358). Et si estoyent leurs pourpoincts et sayons Tous atachez a fers d'or d'esgullettes. (LA VIGNE, V.N., p.1495, 213).

b)

"Garniture d'une gibecière" : ...une petite gibessière d'or, garnye sur le fer d'un costé de trois grans tables de dyamant, et de l'autre costé de trois escussons de dyamant, et sur la garnison de soye d'un costé trois frestes de dyamant (Comptes Lille L., t.2, a.1467, 111).

-

Fer à gibeciere : ...Jehan Dan, faiseur de fers à gibecieres (Comptes Paris V.L.D., t.1, 1443-1444, 360).

B. -

[Pour désigner divers objets en fer]

1.

"Outil, instrument, accessoire en fer" : PREMIER ANGE. (...) De par la mére nostre sire Jhesu Crist te vieng demander Se tu te souffrerras crever L'autre oeil (...). L'ERMITE. Helas ! ou a fut ou a fer Me soit crevez ; il ne m'en chaille (Mir. emp. Julien, 1351, 220). ...troys petiz dosserez à chayère, qui se tendent à fers, c'est assavoir l'un de drap vermeil tenant de long six aulnes et demye, l'autre de camocas azuré goté d'or, et l'autre de camocas vert goté d'or. (Invent. mobilier Ch. V, L., 1379, 372).

Rem. Cf. aussi (nombreux ex. d'instruments divers) Y. Coutant, Terminol. du moulin médiév. dans le comté de Flandre, 1994, 662-664.

-

MAR. "Outil servant à enfoncer les étoupes dans les joints des bordages" : A Colin Guyot, pour 5 gallons d'uille dont on a engroissié les fers aux calfas et rimolas durant ledit moiz de mars, au fuer de 4 s. t. le galon (Clos galées Rouen M.-C., t.2, 1389, 191).

-

"Instrument servant à faire des découpes sur les étoffes" : ...une heucque brunette, juste devant, volant darrière, décoppée au fer et au taillant (Comptes Lille L., t.1, 1432-1433, 319).

-

Fer à souder. "Masse métallique fixée par une tige à un manche et chauffée pour faire fondre la soudure" : ...parceque ung plombeur, besongnant en icelle couverture, s'en devala en bas et laissa le feu où il chaufoit les fers à soulder en icelle couverture sans aucune garde (ROYE, Chron. scand., I, 1460-1483, 266).

-

Fer pour faire du feu. "Outil avec lequel on bat la pierre à feu pour en faire jaillir des étincelles" : ...pierre et fuysil pour alumer du feu [var. ...et fer pour fere du feu] (GAST. PHÉBUS, Livre chasse T., 1387-1389, 280).

.

Fer à jeter feu : ...fers a geter feu (Clos galées Rouen M.-C., t.1, 1385, 287).

-

Fer de plane. "Rabot (?)" : ...certains ferremens à faire pipes à vin, c'est assavoir un ferrement appellé quarreau et un autre appellé un fer de plenne (Doc. Poitou G., t.7, 1414, 267).

-

Fer (de saignee). "Lancette" : ...elle [la saignée] est faicte par fer (SAINT-GILLE, Comment. A.Y. L., 1362-1365, 279). Manicles que pluseurs nomment pastures et tous fers de saingnie ont vne mesme senefiance. Et senefie que cellui qui premier les porta en armes par sa vaillance auoit tenu ses ennemis en fers ou s'en estoit osté par grace de miracle (Best. hérald. H.E., c.1435-1450, 511).

-

"Perche ferrée servant à bourrer la charge du canon" : ...j'ay ouÿ Bouter le fer en la bombarde (FLAMANG, Vie Pass. st Didier S., 1482, v.5016).

-

"Clou" : J'ai .i. fier à planque forgiet (JEAN DE LE MOTE, Regr. Guill. S., 1339, 39).

Rem. Fier de soillier "clou servant à attacher une lame du plancher" (Doc. 1455. In : Y. Coutant, Terminol. du moulin médiév. dans le comté de Flandre, 1994, 668) ; fer d'aissil / fer de latte, p.667.

.

[Comme expr. d'une valeur minimale] : La Bergere [une bombarde] nous menerons Et des canons tant aussi bien. Et des anuyt, comme je tien, Tout sera chargé pour mener Sans y faillir, fer ne lien ; Demain y sera a desjeuner. (Myst. siège Orléans H., c.1480-1500, 527).

2.

[Moules en fer]

a)

MONN. : ...ledit Grant Jehan dist ausdiz Girard et sa femme qu'il leur aprandroit à gecter desdiz florins et austres monnoyes et leur monstra ung fer plat, lequel il emploie de cendre passée, destrampée d'eaue salée et mettoit sur ladicte cendre ung gros de Bretaigne, pour en former la marche, ou autre monnoye (Doc. Poitou G., t.12, 1482, 530). Et lors ledit receveur bailla audit Laisné ung noble à la rose ; lequel Laisné incontinant se mist à faire lesdiz fers, pille et coings, et les tailla tous prestz, et firent lui et ledit receveur certaine quantité de nobles d'argent fin que ledit Laisné bailla audit receveur et sembloit que lesdiz nobles feussent d'or, mais ilz n'estoient que dorez par dessus seullement. (Doc. Poitou G., t.12, 1482, 554).

b)

[Pour faire des gâteaux] : Bietrix, femme du Galois, oubloier, pour II fers à faire oublées pour le Roy, achetés de lui par les dessus diz (Comptes hôtel rois Fr. D.-A., 1380-1381, 64). Thibaut de Puiseux, pannetier, pour uns fers neufs acheté par lui pour faire gauffres pour le Roy (Comptes hôtel rois Fr. D.-A., 1380-1381, 65).

-

Fer aux / de gaufres. "Moule à gaufres" : ...j fiers de wafles (Rég. jur. Belg. B., 1361,,, 349). Broches, chenetz, poilles, potz, fer aux gauffres (LA VIGNE, V.N., p.1495, 147).

-

Les deux fers./Une paire de fers. "Les deux parties d'un moule (ici à hosties)" : De la fleur blanche du froment Destrampé d'yaue seullement Sans corrupcion de levain Doit l'en faire ce digne pain. Fermement entre deux fers cuire Qu'i n'y puisse aproucher ordure (Liber Fort. G., 1346, 135). Une paire de fers a faire pain à chanter (Livre raison St-Martin-de-Pontoise D., 1412, 46).

c)

"Sceau servant à authentifier qqc." : ...pour le bien dudict mestier, il y ara ung fer par forme de seel, dont on seellera les saies sur les ostilles (Hist. Lille T., t.2, 1500, 514). Item, y aura ancoires ung aultre fer ou seau, dont on seelera ou ferra les saies aiant passé l'esgard desdictz VII hommes, esleux par lesdictz de le vingtaine et office (Hist. Lille T., t.2, 1500, 515).

3.

MOULINS Fer de moulin. "Élément servant à la rotation du moulin" : À Jehan Bonnebroque, fevre, demourant à Courtray, pour avoir fait tout de neuf un nouvel fer de molin, et le viez fer de molin reparé, restamé et reforgié pour s'en aidier au besoing, et fait un nouvel fer appellé rijne, tout servant au molin à eau dudit lieu de Harlebeke (Comptes Etat bourg. M.F., t.3, 1418-1420, 646). ...en cest estage mettra [Jehan Rose, charpentier] deux baulx de travers de 10 piez de long, sur lesquelz tourne le fer et la pierre dudit molin (Comptes Etat bourg. M.F., t.3, 1418-1420, 647). ...avecques ce le droit que j'ay en ce que je puis par moy ou par mes gens prenre ou faire prenre les fers des molins dessusdis, se deffaulte avoit de paiement aux termes dessusdis (Trés. Reth. L., t.3, 1429, 86).

Rem. Mense épisc. Cout. D., 1440, 83. Très nombreux ex. ds Y. Coutant, Terminol. du moulin médiév. dans le comté de Flandre, 1994, 659-662.

-

Grand fer : Audit Jehan, pour (...) estoffer le trau de l'espoye de perches et d'aix, refaire le long pont de la Lijs, les grans fers du molin à vent mettre hors et ens, le spinewiel aussi mectre hors et ens et icellui tourner, pour 5 alpen mettre au waterwiel, et ledit molin à eaue aidier à mettre à cours, et pour peser la verge du molin à vent (Comptes Etat bourg. M.F., t.3, 1418-1420, 632).

-

Petit fer : À Gilles Le Meulenare, dix huit solz gros qu'il a paiez à un fevre demourant en la ville de Gand pour avoir fait et livré oudit molin un nouvel rijn, un nouvel collet et un petit fer de molin, et pour avoir rachaté le grant fer, pour ce 18 solz gros (Comptes Etat bourg. M.F., t.3, 1418-1420, 648).

-

HÉRALD. Fer de moulin. "Meuble représentant le crampon de la meule d'un moulin ; p. ext. élément de décoration" ( ( cf.FUR., s.v. fer)) : Item, une autre Sainture de soie tanée, et ferrement du lont à clous croisiez et à fers de moulin, dont la boucle et le mordant sont d'argent (Doc. 1347. In : L. Douët d'Arcq, Bibl. Éc. Chartes 39, 1878, 93). ...ung letrin de fer, ouvré à fers de moulin. (Invent. mobilier Ch. V, L., 1379, 282). Un letrin d'acier, ouvré à fer de molin. (Ch. VI, D., t.2, 1418, 322). Croix a pié long et croix que l'en appelle fer de moulin, qui est resercelee... (Traité hérald. H.G., c.1435-1450,f 509). Le conte de Pierregort, qui portoit d'argent au fer de mollin de sinople (LA SALE, J.S. E., 1456, 297).

4.

"Armure, armes"

-

Estre au fer. "Être en armes" : Hardemens ne voelt nul sejour, Mais estre ens ou fier nuit et jour (...). Le tournoi, la guerre et le jouste, Poursieus les toutdis, quoi qu'il couste. (FROISS., Dits Débats F., 1363-1393, 106).

-

Le fer au dos. "Armé" : ...là estoit venu pour mettre pied en l'estrier atout le fer au dos (CHASTELL., Chron. K., t.5, c.1456-1471, 420). ...car les Hollandois nestoient pas si excercitez en la guerre que Pycars et Bourguignons, quy tousjours avoient passe long temps le fer au dos (WAVRIN, Chron. H., t.3, p.1471, 209). ...ilz furent vistement decachiéz et poursievys le fer au dos. (MOLINET, Chron. D.J., t.2, 1474-1506, 296).

.

Prendre le fer au dos. "Prendre les armes, s'armer" : ...ceux-mesmes pour qui le duc avoit pris le fer au dos et s'estoit mis efforcéement en armes sur les champs (CHASTELL., Chron. K., t.5, c.1456-1471, 416).

-

Fer vestu. "En armes" : Je meismes, ou chief le heaume [l. heaume,] Fer vestu, l'espée ou poing destre, Li pense bien a l'encontre estre (Mir. ste Bauth., c.1376, 125).

.

À fer vestu : ...par leur orgueil Ont tant assemblé de gens d'armes A fer vestuz et a guisarmes (Mir. ste Bauth., c.1376, 130).

.

Cousu en fer : Or estoit tout ce peuple gantois sur le grand marché du Vendredi à hacques et à macques, tout cousu en fer, et à hautes bannières levées (CHASTELL., Chron. K., t.5, c.1456-1471, 265).

5.

"Ancre de navire" : Leander (...) Se mist en mer sans navie et sans fer. (FROISS., Dits Débats F., 1363-1393, 162).

-

Jeter le fer. "Jeter l'ancre" : ...en l'isle de Sapience, moy et mes dictes galees gettasmes le fer le samedi .VIe. jour du dit mois d'octobre (Bouciquaut L., 1404, 282). Quant il fu la, il fist getter le fer, et ancrer celle part (Bouciquaut L., 1406-1409, 259).

6.

"Bande de métal formant semelle dont on garnit le dessous des sabots des chevaux, des mulets" : ...et puis ferrer d'un fer a ais (Chir. chevaux P., c.1325-1350, 373). Amenez selles et estriers, Roncins, courciers et bons destriers ; Pain, vin et planté de vitaille, Et gardez que becuit ne faille, Et ouvriers de toutes manieres, Fers, clos, panonciaus et banieres, Et toute chose necessaire Pour faire le chemin dou Quaire, Ou d'ailleurs, où Dieux nous menra, Qui le chemin nous apenra. (MACH., P. Alex., p.1369, 53). ...Monet, mon mullectier, estant à s-Aix a fait ferrer l'une des mulles de deux fers neufs (Comptes roi René A., t.1, 1473, 132). ...un fert (...) de la jument dudit Sohet (Doc. 1479. In : E. Teilhard de Chardin, Bibl. Éc. Chartes 67, 1906, 40). MALOSTRU LE COPPIEUR commence. Quel temps court il, là, soubz voz marches ? NYVELET LE LARDEUR. Il y a tousjours ung fer qui loche ["qui branle"]. (Copp. lard., a.1488, 153).

-

Fer à / de cheval. "Garniture de fer protégeant le sabot du cheval" : ...fers a cheval (Comptes écurie Ch. VI, L., t.1, 1383,,, 90). ...il qui parle, après ce qu'il vit que ledit mareschal se fu parti de l'ouvrouer et monté en sa chambre, print et embla douze fers à cheval qui estoient avec autres fers oudit ouvrouoir, lesquieulx fers il mist et mussa en son sain, et après les vendi V s. parisis à un autre mareschal nommé Guerart. (Reg. crim. Chât., II, 1389-1392, 352). ...pour ij fers de cheval (...) xx d. (SAINT-RIQUIER, Compte B., 1422-1423, 259). Fers a cheual soustiennent et portent le cheual et lui gardent ses piez d'user eu chemin. (Best. hérald. H.E., c.1435-1450, 509). Et se les anemis, dist Vegesse, sont foibles ou gens que on ne doye trop doubter, le chief, se il n'a que une battaille pour les enclorre, la doit faire en maniere d'un fer de cheval (LA SALE, Salade, c.1442-1444, 241).

Rem. Objet difficile à identifier (fer à cheval ?) : ...se tel, mon adversaire, avoit sur soy ou portoit armes forgees par malvais art, aussy briefz, charmes, fers ou invocacions de anemis (...) que mon bon droit et honneur n'en peust estre empeschié ne admendry (LA SALE, Salade, c.1442-1444, 215).

-

Prov. : Par ung seul clou se pert un fer. Par ung fer se pert bien ung pié. Par ung pié se pert ung cheval. (MIÉLOT, Prov. U., 1456, 197).

7.

Au plur. "Entrave servant à immobiliser un prisonnier" : ...quatre paires de fers pour mettre gens en prisons (Clos galées Rouen M.-C., t.1, 1337, 130). ...toutes persones emprisonéz pour cas de catel aloient as houstielz des sergants ; et paioient pour jour et nuyt chascun prisonner 4 d. par. pour feerz et lit (Hist. dr. munic. E., t.2, c.1347, 361). ...Et il le met en grief prison D'enfermeté en lieus divers, Ou estre puet rungiez de vers Et de planté d'autre vermine, Et il y est un lonc termine, Chargié col et les bras de fers Et les jambes, c'est bien enfers. (MACH., J. R. Nav., 1349, 207). ...Nostres sires si l'enferra En Babiloine ou enserrez Fu, si loiez et enferrez, Que ci li sambloit uns enfers, Tant estoit liëz et en fers. (MACH., C. ami, 1357, 57). Et on li amena grant erre. Li roys commanda qu'on l'enserre, Et qu'on le mette estroitement Uns fers en ses piez, telement Et si pesans qu'il ne s'en vole, Car mettre le vuet en géole, Ou apenre un autre mestier, Dont cure n'avoit, ne mestier. (MACH., P. Alex., p.1369, 258). ...le dit suppliant a esté depuis un an en ça, à l'instigacion et pourchaz de Pierre Pillon, et d'autres nos ennemis, pris et detenu prisonnier à la Souzterraine, où il a esté par l'espace de XIIII. sepmaines en prison fermée et en deux paire de fers (Doc. Poitou G., t.4, 1372, 113). ...a Jehan Cauvel, serreurier, tant pour III fers a bougon pour les prisonniers dud. hostel que pour réparer plusieurs des fers des dis prisonniers (Comptes Archev. Rouen J., 1426-1427, 100). Et, après lui, estoit mené ledit Hardi en une basse charrette, où il estoit moult bien enferré de gros fers enchaynez, et le conduisoit Jehan Blosset, escuier, cappitaine des cent archers de la garde de monseigneur le daulphin, et avecques lui avoit cinquante desdiz archers tousjours estans autour de ladicte charrette. (ROYE, Chron. scand., I, 1460-1483, 305).

-

Uns fers. "Une paire de chaînes" : Uns telz fers vous seront lassez, Sire, par les piez et les mains Qui poisent bien deux cens du moins (Mir. marq. Gaudine, 1350, 169). ...lors ordonna que l'enffant fust par les jambes de ungs fers à bras enfferrez (LA SALE, Reconf. De Fresne H., 1457, 18). À maistre Laurens Volvic, canonnier dudit seigneur - pour ungs grans fers trampez, à double fereure, et une grant chesne à sonnecte au bout (...) pour enferrer messire Lancelot de Berne (...). Pour deux fers à grans chesnes et boulles, pour enferrer deux prisonniers d'Arras (...). Pour ung fers, rivez à chascun une chesne et une bolle, pour deux francs archiers (Comptes hôtel rois Fr. D.-A., 1478-1481, 360).

-

Mettre qqn en fers (et en carcans / et en prison) : Alez le me mettre en prison Et en bons fers. (Mir. marq. Gaudine, 1350, 169). ...et mené em prison ou chastel de Breval et mis en fers et en grant destroice (Mand. Ch. V, D., 1368, 248). ...sans loy et sanz jugement, [il] le mist es fers et en prison, disans qu'il devoit une amende à nous (Hist. dr. munic. E., t.3, 1378, 439). Par foy, dist le roy d'Armenie, quant a vous, vous avez failli a grever quant a present le roy Uriien, mon nepveu. Lors les fait mettre en fers et en carcans, en fin fons de fosse. (ARRAS, c.1392-1393, 130).

.

Mis en fer. "Prisonnier (ici de la mer)" : Droit au fond de la mer estoient en fer mis [p. rapprochement avec enfermé] (Flor. Octav. L., t.1, c.1356, 362).

-

Tenir qqn à fer et à clou./Tenir le fer au dos de qqn. "Surveiller qqn étroitement" : ...il ne se falloit plus du tout fier en eulx, ains il estoit expédient de leur tenir le fer au dos, afin qu'ils fussent en plus seure subgection, et telle qu'ils n'eussent doresnavant plus l'occasion de se rebeller. (CHART. J., Chron. Ch. VII, V., t.3, c.1437-1464, 19). ...[elle] s'en alla bouter cy devant en l'ostel d'un tel marchant, qui la tient a fer et a clou. (C.N.N., c.1456-1467, 148).

-

[Contexte métaph.] : ...le coer, qui gist en fers (FROISS., Espin. amour. F., c.1369, 109).

III. -

Au fig.

-

[Pour marquer la dureté de coeur] : S'il [ce pecheur] estoit plus dur que nul fer, Si sara il se feu d'enfer Est chaut ou non. (Mir. ev. arced., c.1341, 140). Vesla Pluto, le dieu d'enfer, Qu'est plus dur et plus noir que fer (MACH., C. ami, 1357, 85). Qui est le courage tant dur que fer, qui est le cuer tant dur que pierre qui ne exprime pleurs et gemissemens quant il voit malade de si tres aspre maladie qui va jusques a la mort, et qui n'a compassion avecques cellui qui seuffre, et douleur avec cellui qui se deult ? (JUV. URS., Loquar, 1440, 381). ...a tout se vouloit joieusement emploier, combien que sa personne estoit et fust tousjours linge et menu, mais son cuer estoit entre les autres tout fer et achier. (LA SALE, J.S., 1456, 2). O cueur plus endurcy que fer, Cueur remply d'incredulité... (LA VIGNE, S.M., 1496, 283). Je congnois bien qu'il est plus dur que fer Envers le Dieu qu' en soy a volu prandre (LA VIGNE, S.M., 1496, 479).

-

[En syntagme déterminatif] De fer. "Dur" : Autres femmes ont cuer de plonc, Mais elle l'a de fer trop fort (Mir. nonne, 1345, 319). ALFONS. Frére, bien scé que si fera ; Car trop est fier. ROY DE GRENADE. Il n'est ne de fer ne d'acier Ne q'un autre ; ne vous en chaut. (Mir. Oton, c.1370, 329).

-

Faire fer. "Jouter ; lutter, se surpasser" : Haro le murdre ! j'ay fait fer ! J'ay dix [aux dés] ! la robe est en me part. (MARCADÉ, Myst. Pass. Arras R., a.1440, 193). ...Pour bien gaudir, saulter et faire fer (MOLINET, Faictz Dictz D., 1467-1506, 393). Pour achever ceste besoingne Congé prenons de vostre troingne, A ceste foys, nous ferons fer ! (FLAMANG, Vie Pass. st Didier S., 1482, v.4971).

-

Faire fer à. "Mener la guerre contre" : LUZARGUS. Lucifer, grant dyable enraigier, Nous t'amenons proye en enfer De ces truans, qui ont fait fer Au monde quant ilz y estoient : C'estoient ceulx qu'ainsi batoient Ces crestiens, povres martirs. (Myst. st Adr. P., c.1450-1485, 180).
 

"Fer-blanc" : Les juréz espingliers de Paris prindrent en l'ostel Jehan Bitou, espinglier des espingles de fer blanc ou blanchies de fer à grosse teste (Industr. Paris F., 1378,,, 390). À Andry Provins, sellier, (...) par marchié fait à lui de couvrir de cuir et ferrer de fer blanc quatre petiz coffres de verges blanches, les deux desdiz coffres à mectre les espices de bouche de mondit seigneur, et les autres deux pour mectre la vaisselle de son eschançonnerie (Comptes Etat bourg. M.F., t.2, 1419, 439). XV cariaux d'acier, trois folies de fer blant (Journal Bellev. H.D., 1424-1425, 100). ...ung grant coffre de cuyr à feste de fer blanc (Aff. Jacques Coeur M., 1453-1457, 624). À ung homme de Lyon, qui a fait ung patron de fer blanc d'une perle que le roy a envoyé à la royne, VI go. Pour ung mirouer à pied, qui a esté mis en l'estude du roy, IIII go IIII p. (Roi René vie L., 1476, 369).

REM. Doc. XV^e s. (ms.) ds GDC IX, 608a : (...des espingles de fer blanc ou blanchies. et Doc. 1384 : ...une pièce de fer blanc d'Alemaigne), 1402 ( un grant estuy garny autour de bandes de fer blanc armoyé aux armes de...), 1404 (... chaière (...) reliée de petites bandes de fer blanc), 1427 (coffret ferré deblanc fier), 1471 (mordant de fer blanc) ds GAY I, 702a-b.