"Fruit de la vigne, raisin" : ...Un po après le temps d'autonne Que chascuns vandange et entonne Qui a vingnes a vandangier, Et qu'on a a petit dangier Pesches, moust, poires et roisins, Dont on presente a ses voisins, Que li blez en la terre germe Et que la fueille chiet dou cherme, Par nature, ou dou vent qui vente, L'an mil trois cens nuef et quarante ([MACH., J. R. Nav., 1349, 138]). Dient avec ce, que les roisins sur eulx prins, ilz cueillyrent ès vignes de messire Jehan Rigaut, chevalier, estans vers ladite porte du Temple ([Reg. crim. Chât., I, 1389-1392, 302]). Se vous voulez avoir raisins sans pepins, prenez en croissant ou temps que l'en plante la vigne (c'estassavoir en fevrier) une plante de vingne avecques la racine, et fendez le cep moictié par moictié tout au long jusques a la racine, et ostez la mouelle d'une part et d'autre. ([Ménagier Paris B.F., c.1392-1394, 123]). ...bien garder que elles ne voisent ne sueffrent a leurs enfans rompans haies pour en autrui courtil embler raisins par nuit ou par jour, ne autrui fruitage ([CHR. PIZ., Trois vertus W.H., c.1405, 220]). Et n'est pas, sachiez à entendre, Que les metz soient à restraindre Au vin aigre tant seulement Qui de roisin prent naissement, Ançoiz vault et proffitte ades Le vin des pommes de grenades, Et pareillement estimons Du jus de citres et limons. ([LA HAYE, P. peste, 1426, 126]). Grappes de raisin... ([Best. hérald. H.E., c.1435-1450, 510]). Le dieu Bachus coronné de raisin Fut aux nopces notablement servy. ([ROBERTET, Oeuvres Z., c.1450-1500, 99]). "Voire ! sire, mais ilz vendengent noz vignes et menguent noz roisins sans y savoir remedier !"Et le roy leur repliqua qu'il valoit mieulx qu'ilz vendengassent lesdictes vignes et mengassent lesdiz roisins que ce qu'ilz vensissent dedens Paris prendre leurs tasses et vaillant qu'ilz avoient mis et mussez dedens leurs caves et celiers. ([ROYE, Chron. scand., I, 1460-1483, 104]). Car sotie je n'ay point deboutee Mais est tresfort dedans mon cueur entee. Doulce me semble comme raisin de vigne ([Feste roys, c.1475-1500, 308]). Tu es ung terrible vendengeur De roysin pellé, iour et nuyt ! ([Gaut. Mart. A., c.1480-1500, 170]). Au Bastard d'Orleans je envoys Ung plat plain de raisins et figues, Et de tater, afin de vois Leur voulenté et leur repliques, Et luy manderay qu'i m'envoye, S'i luy plaist, de la panne noire Pour fourrer, comme je vouldroye, Une robbe que je fais faire. ([Myst. siège Orléans H., c.1480-1500, 397]). Cestui predist les signes horribles qui apparurent en ce temps, par especial la signifficacion d'une estoille qui se vint mectre dedans la Lune, aussi les grandes et intollerables froidures et l'incredible famine, car les meres mengeoient les propres enfans, le seu porta raysin et fleur et le sang fut veu distiller des nues. ([SIMON DE PHARES, Astrol., c.1494-1498, f° 96 v°]). Lors se commancent gracïeuses vendanges Que plusieurs gens ayment mieulx que vent d'anges. Serpes, cousteaux sont moult bien en saison, Puis de panyers et de hoctes s'aise on ; La vis du trueil de nuyt et de jour bruyt Pour ce qu'adonc le raisin est en bruyt ([LA VIGNE, S.M., 1496, 333]). |
| | - | Raisin sec : Maiz vin aigre riens ne meffait De franc roisin et sec extrait ([LA HAYE, P. peste, 1426, 126]). Aussi prenez du fruit de pin, Mondifié, plaisant et fin, De fistiques et roisins secz, Purgiez des arilles et netz ([LA HAYE, P. peste, 1426, 156]). Roisins secz, une passe en latin, sont de chaulde et moiste nature trempeement et proffitent fort au foye et valent à pluseurs médicines. ([LA HAYE, P. peste, 1426, 225]). |
