A. -

DR. FÉOD.

1.

"Condition, état de serf" : Uns usages est en Engletière, et ossi est il en pluiseurs païs, que li noble ont grant francisse sus leurs hommes et les tiennent en servage, c'est à entendre que il doivent de droit et par coustume labourer les terres des gentils hommes (FROISS., Chron. R., X, c.1375-1400, 95).

2.

P. méton. "Redevance ou service dû au seigneur" : Et doient cil homme tout ce faire par servage as signeurs, et trop plus grant fuisson de tels gens a en Engletière que ailleurs, et en sont li gentil homme et li prelat ou doient estre servi (FROISS., Chron. R., X, c.1375-1400, 95). Item, les coustumiers de la Heroudiere en la parroisse de Goupillieres ont toutes et telles coustumes comme ceulx de Saint Nicolas de Beaumont, et font tous et telz servages comme iceulx (HECTOR DE CHARTRES, Cout. R., 1398-1408, 334).

-

Empl. adj. "Soumis au service seigneurial" : Des personnes mainmortables, les uns sont de simple mainmorte, les autres sont serfs de leurs corps et de poursuite ; les autres sont serfs de formariage ; les autres sont serfs servages. (Cout. bourg. glosé P.M., c.1380-1400, 259).

Rem. Cf. GD VII, 400a, s.v. servage, adj. (l'exposant est omis).

B. -

P. ext.

1.

"Esclavage" : Par bourgs, par villes, par citez Firent assez d'iniquitez Et les crestïens moult greverent, Si qu'en Auffrique en amenerent Avant eulx plusours en servage (Tomb. Chartr. Trois contes S., c.1337-1339, 109). ...Si que, seigneurs, vous en irez Et à vostre roy le direz, De mot à mot, de chief en chief. Et se vous dison de rechief Que vo Crestien seront en cage, Et en perpetuel servage, Sans mais partir, s'on n'en fait tant Que le soudan en soit contant. (MACH., P. Alex., p.1369, 118). ...tu porteras le pois et le fes de servage (FOUL., Policrat. B., V, 1372, 341). Haa ! Bien viengnent les princes de victoire, par qui nous sommes resuscité du crueux servage des ennemis de Jhesucrist. (ARRAS, c.1392-1393, 117). Et qui list Ysaïe peult trouver l'exemple de ceste parolle, et noter en l'ystoire comme le royaulme des Assyriens fut le flael que Dieu appareilla pour amatir son peuple de Israël, et puis brisa il son flael, et destruit le royaulme de Assur, et en transmua la seigneurie aux Perses et aux Medes, et fist Babylone inhabitable, et ramena son peuple de servage en liberté. (CHART., L. Esp., c.1429-1430, 43). ...ilz ochiroient les hommes de Thebes, les femmes et les petis enffans metteroient en perpetuel servaige. (LA SALE, Salade, c.1442-1444, 55). De servacge nous vient gecter Et degiter. Tantost serons en liberté. (Pass. Auv., 1477, 132).

2.

"Assujettissement à qqn, état de dépendance par rapport à qqn, servitude" : Seigneur, pour Dieu mercy, vous savez bien le despit et le servage en quoy Agriano nous a long temps tenuz (Bérinus, I, c.1350-1370, 124). "Encores nous vault mieulx morir à honneur, an gardant nostre hiretage et la foy en Jhesu Crist, que vivre à honte et en servage dessoubz ces chiens mescreans." (FROISS., Chron. M., XII, c.1375-1400, 220). Au departement dou roi de la ville de Courtrai... on l'ardi et destruisi sans deport, et en menèrent par manière de servage pluiseurs chevaliers et escuiers et gens d'armes (FROISS., Chron. R., XI, c.1375-1400, 70). Las ! bien sui cheuz en servage, Car le jour si sera demain Que le convenant de ma main Li juray que son serf seroie Ou cas que ne le paieroie. (Mir. march. juif, c.1377, 203). [À propos de chrétiens dans une Jérusalem tenue par les Musulmans] PREMIER CHEVALIER. (...) Car de ce pais ou nous sommes Ne savons le vouloir des hommes Ne le courage. DEUXIESME CHEVALIER. Non, et si sommes en servage De gens qui sont conme chiennaille (Mir. fille roy, c.1379, 28). Moult grandement se repentit l'arcediacre de Therouenne qui, pour entrer en mariage, lessa le previlege de clerc et se maria a une femme vefve, en laquelle, selon qu'il racompte, il demoura en servage moult longuement, en douleur et en tristesse (Quinze joies mar. R., c.1390-1410, 3). Plus seroit serf a ses loys que prince temporel aux siennes, et plus seroit serve son espouse et l'emperresse du ciel que les roynes terriennes qui sont privilegees contre tous civilz servages (GERS., Concept., 1401, 402). Voz ennemis anciens et naturelz vous assaillent a leur entreprise et viennent chalengier vostre terre et vostre pays sur vous, ilz sont assaillans et vous estes defendeurs, ilz veulent asservir vostre liberté et vous avez a vous deffendre de leur servage (CHART., Q. inv., 1422, 18).

-

Mettre qqn en servage : Sire, vengence de cest an N'arez dou meffait d'Alixandre, Si bien com de ceste gent prendre. Faites les prendre et retenir, Et tous de male mort morir ; Ou vous les metez en servage Enchaainnez en une cage, Par quoy ceuls qui dessa venront Et en tel estat les verront Prengnent en eaus tel exemplaire Que mais ne vous osent meffaire. (MACH., P. Alex., p.1369, 200).

.

Mettre qqn en son servage : Je puis faire d'un fol un sage, Se je le met en mon servage ; Car nuls n'iert ja si desapris, Se jel pren, qu'il ne soit apris De scens, d'onneur, de courtoisie (MACH., D. verg., a.1340, 23).

.

Se mettre en servage de : Et si te meïs en servage De Fortune qui tant est sage Que nuls ne devient de sa court, Qu'il ne couveingne brief et court Qu'il face sa franchise serve, Puis qu'il face tant qu'il la serve. (MACH., R. Fort., c.1341, 94).

-

Tenir qqn en servage : Aler vous couvient Par devers le soudan qui tient, Nostre hiretage et nostre terre ; Et pour ce avons nous à lui guerre. De tous Crestiens prent truage, Et pluseurs tient en grant servage. Si ferez une instruction De toute nostre entention (MACH., P. Alex., p.1369, 127).

3.

En partic. [Domaine de l'amour, phraséologie courtoise] "Service (de la dame, du dieu Amour)" : Car dès premiers que j'eus sa congnoissance, Cuer, corps, pooir, vie, avoir et puissance Et quanqu'il fu de moy, mis par plaisance En son servage. (MACH., J. R. Beh., c.1340, 62). Mais pas n'avoie bien apris Tous ses tours, quant l'amer empris ; Si faurra que je les aprengne Et que le frein a mes dens prengne, Se je vueil vivre en son servage. (MACH., R. Fort., c.1341, 32). Ne ja muer ne verrés mon corage, Einsois de moy parfaire tout poués, Com de celui qui est en vo servage Et qui ne vuet fors ce que vous volés, Qu'estre ne puis de nulle confortés, Se de vous n'est, à qui sui et seray Sans repentir, tant com durer porray [le ms. (consulté par G. Roques) porte "de moy partout faire poués" (et non : de moy parfaire tout poués)]. (MACH., L. dames, 1377, 89). Amours scet bien ses biens abandonner Aus fins amans qui sont en son hommage ; Et les mauvais qui n'ont cure d'amer Et font semblant d'estre en son dous servage Comme musars leur fait paier musage, N'il n'aront ja merci, je n'en doubt mie : Telle est d'Amours la noble signourie. (MACH., L. dames, 1377, 102). Douce, plaisant, simple et sage, Que j'aym assez mieus que moy, J'ay mis en vo dous servage Cuer et corps ; mais, par ma foy, Ce me honnist et partue Que n'ay fors que la veüe De vous qu'ay seur toutes chier. (MACH., L. dames, 1377, 190). ...puis que j'ay en mi Cuer si loyal qu'il ne saroit meffaire, Vous ne devés vo cuer de moy retraire. Eins me devés tenir en vo servage Comme vo serf qu'avez pris et acquis, Qui ne vous quiert villenie n'outrage. (MACH., L. dames, 1377, 208). Qu'en son douls servage, Sans partir entray, Quant sa douce ymage Premiers resgardai (MACH., Les lays, 1377, 376). Ainsi Amour me mist en son servage, Mais pour seurté retint mon cueur en gage (CH. D'ORLÉANS, Ret. am. C., 1414, 14). Amour, ne prenés desplaisir S'ay dit le mal que fault souffrir, Demourant en vostre servage (CH. D'ORLÉANS, Ball. C., c.1415-1457, 20).

-

L'amoureux servage : Si que, s'il est vrais amis Et en l'amoureus servage Vuet mettre vie et usage De cuer, com loyaus sougis, Folour feroit et oultrage De plus voloir ; ce m'est vis. (MACH., Les lays, 1377, 385). À son mal est si ententis Qu'il entroublie le cler vis, Par qui il est en ce point mis, Si qu'il vorroit estre banis De l'amoureus servage. De son cuer et ses corps hays, De toute joie est anemis, Si qu'en cuer qui est si chetis Ja mais Amours, j'en sui tous fis, Ne feroit son mainnage. (MACH., Les lays, 1377, 454). ...[les yeux] ne sont pas les plus eureux de faire les plus seurs jugemens, mesmes a ceulx qui sont tenuz en l'amoureux servage. (C.N.N., c.1456-1467, 165).

.

[Dans le lang. relig.] : Crye ly mercy [à Dieu] en ton couraige, Je te prometz pardon te sera fait, Car nous cueurs tiend en amoreulx servaige ; Par repantance peulx avoir sauvement. (Pass. Semur D.M., c.1420 [1488], 189).

4.

"Servitude, esclavage, état de celui qui est esclave de qqc." : Mais ancor par plus fort raison Est plus prins et de grief servaige Par le lien du mariaige Non desnouable et plus estraint, Qui toute franchise restraint, Et si n'en puet nulz desnouer (DESCH., M.M., c.1385-1403, 40). ...sobrieté delivre homme glouton de servaige du ventre a qui il est serf. (Ménagier Paris B.F., c.1392-1394, 44). Maiz point ne lui plot [au marquis] li lïens Ne li estas de marïaige. Souffrir n'en vouloit le servaige, Ne n'en vouloit oÿr parler. (Gris., 1395, 3). ...et est folie à ceulx qui croient que obeir aux lois et establissemens soit servage (CHR. PIZ., Faits meurs Ch. V, S., II, 1404, 31). Trouvé me suis en douloureux servage, Courroux me fait nuyt et jour grant oultrage, Je sens trop bien la mort qui a moy vient (RÉGN., F.A., 1432-c.1465, 136).

-

"Asservissement" : ...maiz en servage Chiet grant fortune, ce me semble, Et le plus fortuné plus tramble Et est le plus tost decheü. (Gris., 1395, 80). L'homme de lasche couraige Est ymaige Du deshonneur et servaige Et s'engaige A toute confusion, Car ung gentil personnaige Perd son aage Si d'honneur ne suit l'usaige, Comme saige. (MESCHIN., Lun. princes M.-G., c.1461-1465, 74).

.

[À propos de l'âme asservie à Satan ou au péché] : Pour acquiter nostre servaige (...) Prinst le filz Dieu obeïssance. (DUPIN, Mélanc. L., c.1324-1340, 230). NOSTRE DAME. Avant, Perre, sanz demourer Diz a ce pecheur ton message Et s'ame mez hors du servage Au Sathenaz. (Mir. pape, 1346, 384). Bien sui malostrue personne, Qui en tel servage me met Que je sers et croy Mahommet, Qui n'est que droite fanfelue. (Mir. Oton, c.1370, 370). Celle verge de char (...) Fu jusqu'a mort ploiée en la croiz dure, Dont rouge mer de sanc fist despartie, Par laquelle touz ceulx de sa partie Fist franchement hors de servage traire (Mir. st J. Paulu, c.1372, 150). ...de terre fu fait Homme, qui par son grief meffait En si grief servage se mist Que de paradis se desmist (Mir. Clov., c.1381, 272). Mais aussy, o Pere de toute bonté, dit Misericorde, puisque tant as descendu a nostre peticion miserable, que tu veulz racheter l'umain lignage du servage de pechié, droit est que tu soyes tres parfait racheteur (GERS., Concept., 1401, 401). LA FILLE. (...) O Seigneur de treshault parage, Moult est vostre personne saincte Quant par vous suis hors du servage Du mal dont je fus tanct actainte. (LA VIGNE, S.M., 1496, 455).

5.

P. méton. "Obligation, charge à laquelle on est assujetti" : LE PAPE. (...) Contre saint Perre ay fait tel mal Que deux lampes qu'ardans avoit De basme, cil qui les devoit Deservir lui et son lignage Ay franchy d'ycellui servage Pour deux cens besans qu'ay eu. (Mir. pape, 1346, 373). Et se Dieus li donne victoire, Il acquerra honneur et gloire ; Car ceuls d'Athennes franchira Et le servage acquitera. Mais riens n'i vausist fer ne fust, Se belle Adriane ne fust, Qui oublia Minos, son pere, Et Androgeüs, son chier frere, Sa terre et ses charnels amis, Pour Theseüs, ou elle a mis Son cuer, si qu'elle li moustra Comment occis le fier moustre a, Pour lui delivrer dou servage ; Et li donna son pucelage Par si qu'a femme la penroit Et qu'en son païs l'en menroit Avec Phedra, sa chiere suer, Qu'elle ne lairoit a nul fuer. (MACH., J. R. Nav., 1349, 231). Se la pais fust bien affermée, Il est certein qu'en leur contrée Venissent gens de toutes pars, François, Alemans et Lombars, Et de mainte autre region. L'un venist par devotion Au sepulchre en pelerinage Et fust quittes de tout servage ; L'autre venist pour marchander, Et li autres pour demander Le demi commerque dou roy (MACH., P. Alex., p.1369, 184). Serfz barbarins, pour gaigner leurs servaiges, Admayneront plusieurs bestes saulvages, Dont nous serons estymez plus puissans. (LA VIGNE, S.M., 1496, 228).

-

Estre en servage de + inf. "Avoir la charge, l'obligation de faire qqc." : LE PAPE. (...) celui pour deux cens besans, Qui de querre estoit en servage Ce basme, lui et son lignage, En ay franchi et acquitté (Mir. pape, 1346, 369).

-

Mettre qqn en servage. "Imposer à qqn une obligation" : Quant cil d'Athennes eurent mort Androgeüs, si grant remort En ot Minos, li rois de Crete, Que par voie sage et discrete, Par force d'armes et de guerre Fist essillier toute leur terre ; Et les mist tous pour cest outrage Minos en si mortel servage, Que tous les ans li envoioient Un homme ; mais il sortissoient, Et cils seur qui li sors chëoit, Trop mortellemnt li meschëoit ; Car li rois Minos devourer Le faisoit la, sans demourer (MACH., J. R. Nav., 1349, 230).

-

P. métaph. Payer son servage à : Et j'aouroie son ymage Et li paioie mon servage A toutes les heures du jour, Car c'estoit mon grigneur labour. (MACH., Voir, 1364, 260).