A. -

[Sens actif] "Avec dédain, arrogance" : Car Dangiers orguilleusement Respont et despiteusement Tout premiers que celle requeste N'est bonne, belle, ne honneste, Eins est outrages et folie (MACH., D. verg., a.1340, 40).

1.

"Avec insolence" : Monseigneur mon pere et madame ma mere ay par mon ire courrouciez et despiteusement a eulx parlé ; et par yre les ay par mal regardez et desiré la fin de leurs jours. Aux povres ay moult despiteusement parlé, et par mon ire les ay appelé truans. (Ménagier Paris B.F., c.1392-1394, 28).

-

[Avec une idée d'abondance] "Copieusement" : Et la dicte artillerie, bien afutee et mise en estat qu'il appartenoit, fut tellement et despiteusement bastue, que tous ceulx qui estoyent dedens, ou la pluspart, furent contrains d'eulx enfouyr et quitter la place (LA VIGNE, V.N., p.1495, 252).

.

[Détermine un autre adv.] "Très" : Car quant se vint a passer par la rue ou estoit le roy et les seigneurs, ilz aguillonnerent si aigrement les dictz beufz qu'il sembloit que tous les dyables les deussent emporter, et tirerent si despiteusement droictement vis a vis du logis ou estoit le roy, que le dict maistre varlet tumba si grant sault qu'il se cuida rompre les bras et les jambes (LA VIGNE, V.N., p.1495, 302).

2.

"Avec colère" : Dont y vint l'empereur et regarda, si aperceut bien qu'il estoit moult amenuisez et avalez, lors fu si courcié, avecques l'ire qu'il avoit de ses hommes qui estoient occiz, que par un pou qu'il n'erraga, et lui tressua tout le corps de maltalent, et prinst a menacier et a jurer moult despiteusement. (Bérinus, I, c.1350-1370, 384). D'un regart fier et orguilleux La regarda de ses deux yeulx, Et quant il ot un pou pensé, De folie s'est pourpensé. Lors parla despiteusement Et dist devant touz haultement : "Haä, serpente, ta lignie Ne fera ja bien en sa vie !..." (COUDRETTE, Mélus. R., c.1401-1402, 237). JACOB. Mère, l'invencion est bonne Pour representer la personne De Esaü a l'atouchement [Il est question d'envelopper les mains de Jacob de peau de chevreau pour faire croire à son père Isaac qu'il est en face d'Esaü], La voix en rien n'y consonne, Par quoy j'ay peur qu'il ne soupçonne Qu'on le faict par desprisement, Par tant qu'il ne voit nullement, Et que pour ce despitement Dessus moy malediction Ne getast despiteusement, Et que j'eusse maudissement En lieu de benediction. (Myst. Viel test. R., t.2, c.1450, 153). Adont se tinst Huon comme pour asseuré d'estre ainsi ou plus villainement jugié a morir. Salhadin le regarda lors non mie despiteusement, car ja estoit son ire comme passee puisque mors estoit le Bastard de Buillon. (Saladin C., c.1465-1468, 63). Jadiz un anneau d'or portoit en soy enchassé une precieuse et riche emeraude. Pour quoy pluiseurs nobles hommes la regardoient convoiteusement. Advint une foiz que l'anneau moult despiteusement parla a l'esmeraude et dist : "Desja par long temps as demouré et esté en moy et en ma stacion et oncques pour ce ne m'en donnas pris ne loyer..." (COLART MANS., Dial. créat. R., 1482, 108).

B. -

[Sens passif]

1.

"Cruellement, impitoyablement" : ...tu [la mort] n'avoyes point jurisdictïon Sur elle en riens, ne de correctïon, Et touteffoiz ton execucïon Y as faicte tres despiteusement Et m'as tolu tout mon avancement (HAUTEV., Compl. H., c.1441-1447, 59). Or estoit messire Jehan de Luxembourg avec aucuns des seigneurs à Aussy, accueilli d'un trouppeau de dauphinois qui le congnoissoient, et ne chassoient que à luy faire très-mauvaise compagnie, pour ce que fellement et despiteusement se revengeoit. (CHASTELL., Chron. K., t.1, c.1456-1471, 267).

2.

"Impétueusement" : A ces paroulles fist bruyre son cheval et court sur les François si despiteusement que celluy qu'il attaint il met a mort. (BAGNYON, Hist. Charlem. K., c.1465-1470, 166).