I. -

Adj. "En servage, esclave" : Hiero, qui puis fut maistre souverain de Sicile, comme bien il deservi, fust exposé et dejecté de son pere tresnoble et hault seigneur pour ce que il estoit engendré d'une chamberiere servant et il sembloit que c'estoit honte a son lignage et comme villaine tache a si tres noble sanc. (FOUL., Policrat. B., I, 1372, 124).

II. -

Subst. masc. "Serviteur" : N'est ce chose plus honnourable Que tu voies devant ta table Tes chevaliers, tes escuiers, Tes clers, tes servans, tes mestiers Vestis ensamble en ordenance A la bonne guise de France, Que ce qu'il soient en tel guise Que chascuns einsi se desguise ? (MACH., C. ami, 1357, 133). ...le dame (...) dist a son servant Qu'il alast a Huon le paon presentant (Hugues Capet Lab., c.1358, 129). Li roys marier la voloit Et donner à un sien servant. Pluseurs l'empresserent, et quant Elle vit qu'on l'apressoit trop, Elle leur dist, tout à un cop, Qu'elle avoit grant devotion De li mettre en religion, Et que jamais mari n'aroit ; Plus chier assés morir aroit. (MACH., P. Alex., p.1369, 259). Li roys la fist tantost mander Pour li enjoindre et commander Que son servant à mari prengne. Elle dist : "Sire, ja n'aveingne Que je jamais prengne mary. Moult aroie le cuer mari, Se ma devotion perdoie, Que religieuse ne soie." (MACH., P. Alex., p.1369, 260). Mais juste qui est entre le seigneur et son serf ou du seigneur a son servant, et juste qui est entre le pere et son enfant ou du pere a son enfant, ce n'est pas juste politique de quoy nous avon dit (ORESME, E.A., c.1370, 302). Et semble que elle [l'incontinence] seüroie raison en la maniere que aucuns servans vistes et hastis qui s'en cueurent executer avant que il aient oÿ tout le commandement. (ORESME, E.A., c.1370, 383). Si sui com servans sans maistre, Mis hors de toute priere, N'en moy nulz biens ne puet naistre, Fors toute doleur pleniere. (MACH., L. dames, 1377, 68). Il entre a l'oustel et trouve touz ses servans et servantes instruiz a la poste de la dame, car aultrement ilz n'y demoureroient point, tant fussent ilz bons et loyaulx (Quinze joies mar. R., c.1390-1410, 21). Et les servoit on si appertement que, se chascuns souhaitast ce qu'il voulsist oster ou avoir autre mès, si ne le peust on plus tost faire, dont chascuns s'esmerveilloit comment les servans estoient si diligens. (ARRAS, c.1392-1393, 40). Il me dist que vous deux et ly vostres servant Le voulsistes tüer en sa chambre en dormant. (Flor. Octav. L., t.2, c.1400, 506). ...il n'est si grant seigneur ne si grant dame a qui tous ses servans soient loiaulz (CHR. PIZ., Trois vertus W.H., c.1405, 64). ...et l'excuses se mal en oÿs dire, et lui portes honneur et bonne renommee, - telz choses faictes de bon cuer ne sont mie flaterie, ains est vraye amour et pure loyaulté portee de bon servant ou servante a maistre ou a maistresse. (CHR. PIZ., Trois vertus W.H., c.1405, 126). Item aussi devant le dict corps y avoit grant nombre a merveilles de gentilz hommes, officiers, maistres d'ostelz, varletz de chambre, escuiers, eschançons, paiges, servans et tous autres du train de sa maison (LA VIGNE, V.N., p.1495, 311).

-

En partic.

.

"Celui qui sert, qui aide un homme d'armes" : Dune autre aide (...) pour creue de II hommes darmes et XII servans mis ou chastel de Carenten (Compte Navarre I.P., 1367-1371, 41).

.

"Vassal" : N'y a mie signeur, mais vechi vo servant (Hugues Capet Lab., c.1358, 228).

.

Servant de l'escuelle. "Officier qui sert à table" : ...Guyon de Ploermer, nostre vallet servent de l'escuelle (Doc. Poitou G., t.3, 1349, 6). Jeune, gente, plaisant et lye, Je suis vostre loyal servent Et le seray toute ma vie. (Gaud. sot, c.1450, 7).

.

[Domaine religieux] : En ces choses et en moult de samblables seult estre esprouvé le loial servant de Nostre Seigneur (Internele consol. P., 1447, 218). Or sa, mon filz, en ensuivant Le cas de l'ordre singuliere, Vous promectez d'estre servant De Dieu, en faict et en manyere, Et tenir mode reguliere Avecques toute obeyssance, Sans jamais avant ny arriere Tourner a mondayne boubance. (LA VIGNE, S.M., 1496, 362).

.

[Domaine du service amoureux] : S'en lo Amours qui par son douls plaisir Si doucement conforte son servant (FROISS., Ball. B., c.1362-1377, 1). Plourez, dames, plourez vostre servant, Qui toudis ay mis mon cuer et m'entente, Corps et penser et desir en servant L'onneur de vous (MACH., L. dames, 1377, 206). Et d'autre part, pour plus s'enamourer, Dame qui est de servant assignee A de long temps quelque chose ordonnee Pour son amant courtoisement parer. (CHART., L. Plais., c.1412, 148). ...Par le refuz De celle a qui servant je fuz, Qui mist en mon cuer fers et fustz D'un dart amoureux (CHART., L. Dames, 1416, 208). Doulce, plaisant, gente et jolye, Retenez moy vostre servant, Et je meure joyeusement Pour l'amour de vous chiere lye (RÉGN., F.A., 1432-c.1465, 159). Madame, qui de avancer son treshumble servant jour et nuyt ne cessoit... (LA SALE, J.S., 1456, 66).

III. -

Subst. fém. "Servante" : Et de rechief que pour avoir lignee et representacion de son mary apres la mort d'icelluy, elle en laissa son lit et le soulaz de son mary, et luy bailla Agar sa chamberiere et la fist dame, et elle treshumblement devint serviteresse et humble servant (Ménagier Paris B.F., c.1392-1394, 62). ...je, ton humble servant (CHR. PIZ., P.V.H., 1416-1418, 17). Fleurie (...) dist a une sienne servant, nommee Agrapine, qui l'avoit comme toute nourrie et endottrinee... (Nouvelles inéd. L., p.1452, 61).

Rem. T-L IX, 559, servant².