"Demi-journée"

-

À demi-journee des ennemis. "À une demi-journée de marche de nos ennemis" : Quant le cappitaine l'ouy parler si vaillaument, si le tint a grant bien, et bien pensoit qu'il vouloit conquerir moult de pays. Si respondy : Je vous trouveray bien IIIJm. combatans, et IJm. que bons brigans, que arbalestriers. Par foy, dist Uriiens, c'est assez. Or faictes que nous les ayons a demy journee des ennemis. (ARRAS, c.1392-1393, 99).
 

I. -

[Correspond à jour I B]

-

COST. "Court vêtement porté au-dessus de l'armure (et qui la laisse partiellement à jour)" : ...XIII braces de velux noir pour une journée à armer pour icellui seigneur (Comptes roi René A., t.2, 1453, 11). ...achat d'une once et demye de soye pour faire les saguerelles et boutons de ladite jaquette I f. Pour aigneaulx pour ung pelison pour mettre soubz le harnois dudit seigneur, et facon d'icelui I f. X g. IIII p. À lui, pour avoir fourré une journée de veloux noir, de gennettes noires pour ledit seigneur, pour ce XI g. (Comptes roi René A., t.2, 1453, 159).

II. -

[Correspond à jour II ou III]

A. -

"Jour considéré dans sa durée"

-

Maintes journees./Plusieurs journees. "La durée de plusieurs jours" : ...maintes journées sont passées (C.N.N., c.1456-1467, 583). ...et, jaçoit ce qu'ils eurent plusieurs journées pour en disputer, icelui Hercules finablement fut victeur. (SIMON DE PHARES, Astrol., c.1494-1498, f° 26 r°).

-

Il y a n journees que : Il a desja journees trois Que je partis de mon pays Pour faire ce qu'on m'a commis A faire en ceste cité. (Pass. Auv., 1477, 192).

-

À journee. "Toute la durée du jour, sans cesse" : Se ne sont que trompeurs alans par la contree, Tromper les bonnes gens toute jour a journee (Hern. Beaul. D.B., c.1350-1400, 12). O lui eust quatre rois qui sont de sa contree Dont il estoit servi toute jour a journee. (Ren. Gennes D.B., c.1350-1400, 110). Dont ma coulour fu muée Et ma vigour tresalée, Comme se chose fa(c)ée M'eüst troublé à journée Tous mes esperis. (MACH., Lays, 1377, 468). ...elles ont patrouillé a journee en beuvant Dieu sceit comment (Quinze joies mar. R., c.1390-1410, 22). [Autres ex. p.58 et 87]

.

"Dans la même durée, en même temps" : ...vous passés le monde tout(e) a .j. journee (Bât. Bouillon C., c.1350, 119). [Même sens, v. jour]

-

Par journees. "Durant des jours" : ...et en yceulx [larcins] perseveré par tant et diverses journées, de nuit et de jour, que, pour la multiplicacion d'iceulx, il ne les sauroit nombrer ne enseigner. (Reg. crim. Chât., I, 1389-1392, 108). ...illec sejourna par diverses journées (LE CLERC, Interp. Roye, c.1502, 199).

-

Par ses journees. "Durant des jours, étape par étape, en y mettant tous ses efforts" : En ceste partie dist l'ystoire que quant Gieffroy se fu partiz de Lusegnen, il erra tant par ses journees qu'il vint a Romme, et se tray devers le Saint Pere, qui lui fist moult bonne chiere quant il le congnut (ARRAS, c.1392-1393, 275).

Rem. FROISS., Chron. D., p.1400, 181 ; 792 ; Pastor. B., c.1422-1425, 123 ; LA CÉPÈDE, Paris Vienne K., 1432, 251...

-

Toute la journee./Toute celle journee. "Toute la durée du jour, du matin au soir (ou bien au lendemain)" : Ainsi demoura Gieffroy toute celle journee jusques a lendemain (ARRAS, c.1392-1393, 278). ...elle avoit congié d'aller en pelerinage (...) pour toute la journée. (C.N.N., c.1456-1467, 527). ...qui n'avoit cessé de combatre et faire grans armes toute la journée sans boire et sans menger (ROYE, Chron. scand., I, 1460-1483, 67).

.

Toute journee. "Pendant tout le jour" : Voicy mes gens toute journee, Qui anuyt ne sont desarmez, Pour voloir aller en meslee Et pour les François guerroyer. (Myst. siège Orléans H., c.1480-1500, 400).

Rem. Dans toute jour et journee (Chev. papegau H., c.1400-1500, 49), il faut sans doute reconnaître toute jour ajournee ; v. ajourner.

-

Heure ne journee. "À aucun moment, jamais" : Si que gaye me tenray Ne ja ne le guerpiray Heure ne journée, Car en ceste pel morray, Fors tant que je maudiray Longue demourée (MACH., Ch. bal., 1377, 632).

-

Ne ... (jamais) journee. "Ne ... jamais" : Par ma dame nous en irons ; Ne savons se la reverrons Ja mès journée. (Mir. Clov., c.1381, 260). ...quoyqu'il fust et gros et gras, et ne se donnoit du traveil que bien a point, si n'en jeunoit il journée. (C.N.N., c.1456-1467, 580).

.

Ne ... la journee. "Ne ... de la journée" : La fu sis jours, que creature Pain ne vin ne autre pasture Ne li donna, n'aus set lions, Plus familleus qu'alerions, Ne fu riens donné la journee, Par quoy sa char fust devouree - Et si leur donnoit on sans faille Tous les jours deus pieces d'aumaille Et deus moutons pour eaus repaistre. (MACH., C. ami, 1357, 41).

.

Journee ne demie. "Un seul instant" : "...Ja povres homs ne sera bien amé". Et quant j'ouy ma dame et entendi, Lors je li di : "douce dame jolie, Je n'ay joiaux n'argent, par saint Remi". Adont dit elle : "or fais tu grant folie, Se tu m'aimes journée ne demie Ne s'en riens es de m'amour enflamé ; Car de moy, voir, en nul jour de ma vie Ja povres homs ne sera bien amé". (MACH., App., 1377, 640).

.

[Comme expr. d'une valeur minimale (pas une seule journée)] : Helas ! s'el ne fust langoureuse, El nous fist des biens a planté, Mes el n'a journee de santé, Qui nous est ung villain dommage. (Myst. st Laur. S.W., 1499, 200).

B. -

"Jour considéré par rapport aux activités ou aux événements qui s'y déroulent, par rapport à sa caractérisation"

1.

"Jour au cours duquel telle ou telle chose a lieu" : Il avint a une journée, Male pour celui adjournée, Qu'a lui s'en vint uns messagiers De Prouvence, preus et legiers, Qui li aportoit lettres closes, En un petit coffret encloses. (MACH., J. R. Nav., 1349, 214). Un prophete avoit en Judee, Abacuc, qui, une journee, Avoit fait viande en un pot D'orve et de lait au mieus qu'il pot, S'avoit dou pain en sa louvette Et de l'iaue en une cruchette, Pour porter ceaus qui labouroient Aus champs pour moissons qui estoient. (MACH., C. ami, 1357, 41). Suer Ysabiau, m'amie chiére, La journée est près de complie. Je vueil que nous disons complie : Il en est temps. (Mir. Theod., 1357, 76). Puis que ma dolour agrée à la de bonne heure née, Qui par droit est apelée Des dames la flour, Certes, noble destinée M'avint l'eure et la journée, Qu'en mon cuer fu engendrée Si douce dolour. (MACH., Ch. bal., 1377, 588). Jadiz, Sire, en tele glorieuse journee, comme est ce jour de la Penthecouste, le jour de perdon et remission, le jubilé de grace, les apostres et les disciples avecque la benoite Vierge Marie estoient enfermez pour la paour des juifs dedens l'ostel ou avoit esté faite la cene du grant jeudi a mengier l'aignel de Pasques (GERS., Pent., p.1389, 74). ...icelle chambre en laquelle elle a prins à diverses heures et journées et l'une après l'autre les biens qui ensuient, c'est assavoir (Reg. crim. Chât., II, 1389-1392, 434). Et manda la dame a Gieffroy la journee que Garnier et son lignage devoient venir devers lui. (ARRAS, c.1392-1393, 210). Comment, dirent ilz, le pensez vous a aler combatre [le géant] ? Par mon chief, dist Gieffroy, autre chose ne quier je au lez de ca. Par ma foy, ce dirent ceulx, monseigneur, c'est une fole entreprinse. Il a esté envahiz par mainte journee, de cent hommes, autre foiz de IIc, autre foiz de Vc, autre foiz de mille, mais saichiez que nous n'y veismes oncques homme conquester. Comment y penseriez vous tous seulx resister a sa puissance ? Or ne ne m'en parlez plus, dist Gieffroy, car saichiez qu'il aura tout ou il n'aura neant. (ARRAS, c.1392-1393, 244). Vous me verrés a mort donner Advant que la journee passe (Pass. Auv., 1477, 87).

-

La grand journee. "Le jour du Jugement dernier" : A Dieu commant m'ame, et mon corps En la terre demeurera ; Une foiz recouvré sera, Se Dieu plaist, en la grant journée. (Myst. st Adr. P., c.1450-1485, 151).

-

"Partie d'une représentation théâtrale correspondant à la durée d'une journée" : Et a tant Fina la matiere assignee Et la primeraine journee. Or vouldrons (...) Commancer nostre second jour (GRÉBAN, Pass. J., c.1450, 136). [Cy] le sot fera fin de la premiere journee a ce signe (...). Cy se dira le prologue subsequent a ce signe (Myst. Pass. Troyes B., a.1482, 376).

-

"Journée d'une cour amoureuse"

Rem. Lectre en complainte envoyée par Fredet au duc d'Orleans, in CH. D'ORLÉANS, Compl. C., 1433-p.1451, 269.

2.

Ceste journee / la journee. "Au cours de cette journée, de la journée" : LE ROY. (...) Il me convient ma foy mentir, Se de moy n'est ceste journée Ma treschiére amie espousée (Mir. femme roy Port., c.1342, 178). Si entra en son oratoire Pour le souverain Dieu de gloire Aourer, loër et prier, Ne riens nel peüst detrier Qu'a genous trois fois la journee Ne fust s'orison presentee A Dieu qui deffent et qui garde De tous ceaus qu'il prent en sa garde (MACH., C. ami, 1357, 37). Et li vicontes de Toureinne Descendi après, qui grant peine Met à bien faire la besongne. Chascuns le fuit et le ressongne, Car porté leur a grant damage, La journée, sus le rivage. Li roys yssi de sa galée, L'espée eu poing, la teste armée, Et entra dedens la bataille. (MACH., P. Alex., p.1369, 71). Quant li rois ot ses bons amis Dedens toutes les portes mis, Et chascune fu bien fermée Seürement, et bien gardée, Li jours passa, li vespres vint, Si que herbergier le couvint ; Car il avoit moult batillié La journée et moult travillié. (MACH., P. Alex., p.1369, 96). La feste fu moult grant, et furent faiz pluseurs chevaliers nouveaulx pour l'amour de Bertrand, le filz au conte de Poittiers, qui fut, la journee, fait nouveaulx chevaliers. (ARRAS, c.1392-1393, 16).

-

La journee que : Certes, mout aim la journée Que je l'enamay Et qu'à li sans decevrée Cuer et corps donnay, Quar de l'espoir qu'ay Sera ma joie doublée (MACH., Bal., 1377, 547). Se pour longue demourée Sui mis en oubli, Certes, mar vi la journée Que premiers vous vi ; Car je vous aim si Que jamais entroubliée Ne serez de mi. (MACH., L. dames, 1377, 31). Quant j'y pense à recelée, Ma joie est renouvelée, Et .CM. fois doublée L'amour qu'en li ay, Et si sui enamourée Que j'aim moy et la pensée, Le lieu, l'eure et la journée Que je l'enamay. (MACH., Lays, 1377, 347). Et quant sa grant renommée De tous est loée, Je ne doy estre blasmée, S'à li sui donnée, Qu'onques dame ne fu née Si bien assenée, Puis qu'il est miens et il m'a. Car j'en sui si bien parée Que j'aim la journée Que j'en fu enamourée ; Et pour ce à tous vée M'amour qui sans dessevrée Est sienne. (MACH., Lays, 1377, 364). Dame, Vierge et Mere appellée, En ciel, en terre, en mer loée, En gloire de Dieu couronnée, De joie adresse et sente, Fleur de tous biens enluminée Estes, dont nostre vie est née. Beneoite soit la journée Que porta fruit tele ente. (MACH., Lays, 1377, 398). Dit oultre que, en alant de Paris audit lieu de Poitiers, et la journée mesmes qu'ilz se partirent de la ville de Paris, sur le chemin, ledit Breton demanda à il qui parle combien il avoit eu d'argent pour aler devers ledit mons. de Berry (Reg. crim. Chât., I, 1389-1392, 534). Disant à elle qui parle (...) que nul temps que elle yroit le dimenche au moustier, elle ne prenist ou jettast sur elle aucune eaue benoite, ne ne lavast aussi ses mains la journée que elle vouldroit parler à eulx (Reg. crim. Chât., II, 1389-1392, 292). Lors quant elle [Mélusine] pot parler, si regarda Remond moult piteusement et a dit : Haa, Remond, la journee que je te vy premiers fu pour moy moult douleureuse. Las ! Mal vy oncques ton gent corps, ta facon, ne ta belle figure, mal convoitay ta beauté, quant tu m'as si faussement trahie. (ARRAS, c.1392-1393, 256). Pensés qu'il viendré la journee Que noz princes en pluraront ? (Pass. Auv., 1477, 261).

-

Une journee. "Au cours d'une certaine journée" : Or advint une journee que Sarrasins vindrent escarmouchier par un matin, et ceulx de la ville avalerent le pont et ouvrirent portes et barrieres, et yssi le roy tous armez a belle compaignie, et firent grant occision de payens et les rebouterent jusques aux logés. (ARRAS, c.1392-1393, 180).

3.

En partic.

a)

"Jour où qqc. doit avoir lieu" : ...et aussi que mal gré leurs dens il trouveroit bien passage, mais non pas si brief que par leur ville, et que, se ilz se destourboient d'une journee, il savoit bien la maniere comment il en feroit retour de quatre. (ARRAS, c.1392-1393, 175). Et lors vint la journee du derrenier jour d'aoust. Gieffroy ouy messe, et se confessa moult devotement, et receut son Createur moult devotement. (ARRAS, c.1392-1393, 297). Et quant la journee [du couronnement] fut acceptee... (Percef. III, R., t.2, c.1450 [c.1340], 151).

b)

P. méton. "Le rendez-vous pour ce qui doit avoir lieu" : Se je ne vien demain en ma propre journee, (...) Toute vostre rançon vous est moy quittee (Gir. Vienne D.B., c.1350-1400, 184). Quant Pières ly Hiermites vit l'esquielle ordenée, Bien dist que nostre gent estoit [trop] mal armée, Et que roys Bauduins (...) Feroit folie grant s'il tenoit sa journée. (God. Bouillon R.B., t.3, c.1356, 498). Elle charge a sa damoiselle que a la premiere foiz que monseigneur viendra pour la prier d'amours, que, trestous refuz mis arriere, elle luy baille jour a lendemain (...) : "Et s'il accepte la journée, dit madame, je viendray tenir vostre place..." (C.N.N., c.1456-1467, 74).

-

Assigner / bailler journee à qqn. "Accorder à qqn un rendez-vous" : ...d'une femme mariée qui assigna journée a deux compaignons (C.N.N., c.1456-1467, 8). ...[elle] bailla journée a l'Escossois au lendemain au soir de comparoir personnellement en sa chambre (C.N.N., c.1456-1467, 49).

-

Faillir à sa journee. "Ne pas être présent à un rendez-vous" : ...il est tant content que son cueur tressault tout de joye, et dit bien en soy mesmes qu'il ne fauldra pas a sa journée. [Une femme a accepté de le recevoir] (C.N.N., c.1456-1467, 74).

-

Mettre journee de qqc. "Fixer un jour pour qqc." : Chastellaine, il est temps de faire (...) Li roys nous mist a hui journée De l'espouser. (Mir. femme roy Port., c.1342, 177). Et pour huit cens frans les aura. Et sy sera mise journée Pour payer la somme nommée (BOUVET, Appar. Meun A., 1398, 16).

.

Mettre une journee en termes. "Se mettre d'accord pour fixer une date" : ...le galant susdit estant en garnison avec les Bourgoignons a Sainte Manehot, mist une journée en termes avec ses compaignons (C.N.N., c.1456-1467, 449).

-

Prendre journee. "Fixer le jour où qqc. doit avoir lieu, fixer un rendez-vous" : Et a cest propos s'affermerent tous les prouchains et lors prindrent journee de faire leur appareil de y aler le tiers jour aprez. (ARRAS, c.1392-1393, 210). Si fu prise journee d'estre le dimenche ensuivant en la ville de Chacenay (Doc. 1407. In : J. Delaville, Le Moy. Âge 13, 1909, 20).

.

Sans prendre terme ne journee : Pour ce dou tout mes cuers s'ottroie A son plaisir et a son vueil, Car tout ce qu'elle vuet je vueil ; N'a ce mon cuer n'iert anemi Qu'elle a dit et promis de mi, Eins yert bonnement avouée, Sans penre terme ne journée. Si que, biaus dous loiaus amis, Tout ce qu'elle vous a promis Aveu, ratefi et tenray, Si que ja contre ne venray. (MACH., R. Fort., c.1341, 140).

4.

En partic. "Jour assigné pour la comparution en justice (d'où, p. méton., convocation, assignation à comparaître)" : ...Guiart n'estoit pas venus à sa journée où il estoit semons au matin. (Conf. Jug. Parlem. Paris L.L., 1332, 68). Lez officiaux font citer plusieurs persones layes sur aucuns crimes ou delis lezquelx il leur mettent suz, et quant ilz sont venus a leurs journees, ilz lez detienent prisonniers, ja soit ce que ilz nient avoir perpetré lez diz crimes. Et ne lez la[i]ssent ja partir, ne a caution ne recreance, posé que le cas soit tel que ilz doient estre delivrés a recreance. (Songe verg. S., t.2, 1378, 155). Lesquelz le avoyent fait sousper avec eulx, et li avoyent prié qu'il se levast très-bien matin, afin qu'il peussent estre audit lieu de Moret au point du jour, et qu'il convenoit qu'ilz venissent au giste à Paris, pour besoigner à une journée qu'ilz avoient en parlement audit landemain. (Reg. crim. Chât., I, 1389-1392, 319). Ce mesmes jour, ledit Pierre Belle a esté eslargi par la ville de Paris, à la caucion de Jaques de Cramery, huissier de ceans, et de Pierre de Milly, qui l'ont caucionné et promiz de le ramener à ses journéez, selon l'ordonnance des commissaires, à paine de mil livres. (FAUQ., I, 1417-1420, 330). ...l'un [des tribuns] determina que, se on le excusoit [Scipion] par maladie, que l'excusacion faisoit a recepvoir : et par ce il disoit que sa journee lui fust prolonguee a ung aultre jour. (LA SALE, Sale D., 1451, 256). ...fut le compaignon delivré, promettant de retourner a ses journées quand sommé en seroit. [L'accusé, acquitté, reste sous contrôle judiciaire] (C.N.N., c.1456-1467, 161). Il vint a sa journée, et de plain bout s'en alla devers monseigneur l'evesque [Le prêtre est convoqué devant la juridiction ecclésiastique] (C.N.N., c.1456-1467, 540).

-

Assigner journee./Faire assignation de journee à qqn. "Convoquer qqn" : ...et en après, à le requeste de ceaus de nostre dicte ville d'Ypre, eussons assigné certaine journée as dis religieus et à ceaus de Poperinghe pour estre à droit par devant nous sour les demandes toukans les coses dessus dictes et autres que cil de nostre ville dessus dicte disoient et entendoient à faire et à demander par manière de reconvention as religieus et à ceaus de Poperinghe (Hist. industr. drapière Flandre E.P., t.3, 1330-1331, 115). Li Cours fist l'Evesque asegner Journee pour sen fait prouver. (BRIS., Plait Ev. Dr. K., a.1340, 76). Et en cas que les dis debteurs se oposeront a ce, nostre main souffisamment garnie de leurs biens, jusques a la montance de la debte, renvoiés la recognoissance de l'opposicion a ceux a qui il appartient, en assignant certaine et convenable journee aux parties a y proceder si comme raison sera. (Clos galées Rouen M.-C., t.2, 1344, 65). ...les diz prevosts et sergens de nostre dit païs de Bourgoingne font souvent adjornement et assignacion de journées à pluseurs parties par devant iceulx prevost ou leurs lieuxtenans (Cout. bourg. glosé P.M., c.1380-1400, 67). ...et fut journée assignée pour faire leurs disputacions (SIMON DE PHARES, Astrol., c.1494-1498, f° 26 r°).

-

[À propos de deux parties] Avoir une journee. "Avoir une convocation" : La journée que avoient au jourd'uy par devant nous le procureur de nostredit seigneur, demandeur, d'une part, Facin de Tong et Conrart de Olivole, lombars, demourans à Maisieres, deffendeurs (Trés. Reth. S.L., t.2, 1395, 426).

5.

"Jour considéré par rapport à sa caractérisation" : Las ! com maleureuse venue Et com maleureuse journée Nous est au jour d'uy adjournée ! (Mir. enf. diable, c.1339, 49). JEHAN. (...) Mettons nous, si vous plaist, a voye D'aler a li. PREMIER CHEVALIER. Sire, c'est moult bien dit qu'ainsi : Aussi fait il belle journée. (Mir. st J. Cris., c.1344, 282). Godefroy de Buillon n'Artus, Ayaus, Achillès, Troïllus, Gauvains, Tristans ne Lancelos, Rolans n'Ogiers - bien dire l'os, - Guillaume, Oliviers ne Pompee N'orent si tres bonne journee Ne ne firent tant comme il fist. (MACH., C. ami, 1357, 99). Amis, mon cuer et toute ma pensée Et mi desir sont en vous seulement. Amis, avoir ne puis lie journée, Quant ne vous voy ; mais sachiez vraiement Que long et près tres amoureusement, De loial cuer, sans penser tricherie, Vous ameray tous les jours de ma vie. (MACH., L. dames, 1377, 198). Onques ne fiz melheur journee Que d'estre venue ycy. (Pass. Auv., 1477, 156). Veez cy jornee fort piteuse. Je pers toute joye et soulas (Pass. Auv., 1477, 191).

-

[Jour de fête] : Et pour ce de toute Judée A ceste solempnel journée En Jherusalem leur offrande Portent tuit. (Mir. nat. N.S.J.C., c.1343, 228). Il est hui si bonne journée (...). Vestez voz meilleurs garnemens Et vous tenez honnestement (Mir. st J. Cris., c.1344, 257).

-

Haute journee. "Journée marquée par de hauts faits d'armes" : Cuides tu par grant assamblee Avoir d'armes haute journee, Se de tes hommes n'iès amez ? Nennil ! Tels est sires clamez Qui ne l'est pas de son païs, Car de ses hommes est haïs. (MACH., C. ami, 1357, 114).

-

Faire noble journee. "Accomplir une action utile, ne pas perdre son temps" : Et, mesmement, quant je regarde Que, pour elle [la rédemption des hommes] a effect mener, Vous estes voulu incarner En moy, noble journee fiz. (Myst. Pass. Troyes B., a.1482, 579).

-

[Dans une formule de salutation] : THIBAULT AIGNELET, BERGIER. Dieu vous doint benoiste journee Et bon vespre, mon seigneur doulx ! (Path. D., c.1456-1469, 138).

-

[Dans une formule d'imprécation ou de serment]

.

Avoir male journee : Mal an et male journée Puist avoir cilz qui meffait, Tant qu'il bée Qu'empirée Soit dame et deshonnourée Ou blasmée par son fait. (MACH., Lays, 1377, 454). Vatent, qu'ayes male journée, Que je ne te voie jamais ! (MARCADÉ, Myst. Pass. Arras R., a.1440, 82). Ie puisse auoir malle iournee Mal an malle heure et malle ioye. Si plus tost me soustiendroye Sur la teste que sur les piedz. (Myst. st Martin K., a.1500, 191).

Rem. H. Lewicka, Les Comp., 1968, 87.

.

Maudire la journee (de sa naissance) : Que mauldite soit la journee Que je fus en ce monde né, Car ay jucgé Le juste sans cause approvee ! (Pass. Auv., 1477, 277). Et toy aussi, faulce Pucelle, Qui au deable tu t'est donnee, Tu en auras froide nouvelle, Et en maudiras la journee, Voire, de quoy tu fuz onc nee Et le pere qui t'engendra. (Myst. siège Orléans H., c.1480-1500, 569).

-

Prov. : ...l'on ne doit point louer la journée dont on n'a point encore vu la nuit. (CHASTELL., Livre paix K., 1468, 357).

C. -

[Cette durée et, p. méton., ce qui a lieu pendant cette durée (empl. indissociables de la méton. ; même dans le cas où ils ne sont pas proprement métonymiques, la méton. est sous-jacente)]

1.

"Intervalle du jour où se tiennent des assises ; assises, session du tribunal" : ...sur quoy en divers temps et par pluseurs et diverses journées avoient esté assamblé le Conseil tant des Chambres de ceans que de pluseurs du Grant Conseil (BAYE, I, 1400-1410, 272). Vray Rapport, mon advocat, (...) est prest de y faire bon devoir. Et vecy la journee, qui se tendra a ceste heure (MICHAULT, Procès honn. F., p.1461, 44).

-

Journee de droit. "Débat en justice" : ...et requier que vuilliez estre à journée de droit devant mondit très redoubté seigneur, monseigneur de Bourgogne, pour moy faire sur lesdictes demandes que je vous fais et vuil faire, tout ce en quoy serés tenuz par droit (Ecorch. Ch. VII, T., 1446, 273).

2.

"Intervalle du jour où se tient une rencontre, une négociation, une conférence... ; cette rencontre, cette négociation et ce qui en résulte" : Si leur feray prier et dire Qu'il ne me vueillent escondire D'estre ensamble à une journée, Par eaus et par moy ordenée. En Cracoe la metterons, Et, se Dieus plaist, nous y serons Sans querir essoinne, n'alongne Pour parler de ceste besongne ; Car la matiere est grosse et grande (MACH., P. Alex., p.1369, 38). Et li messagier là estoient, Qui aveques le roy traitoient De par leur commun de Venise Et de par le soudan, que prise Fust une journée d'acort ; Car riens n'i valoit le descort, Et que li soudans le desire Plus assez qu'il ne vuelent dire. (MACH., P. Alex., p.1369, 122). Et se devez estre certeins Que chascuns [des ambassadeurs] avoit sarrazine Robe dou soudan, bonne et fine, Bien vestue et bien endossée ; Einsi furent à leur journée Et IIJ. fois la terre baisierent Si com devant, puis s'en alerent Au soudan faire leur requeste. Or gart Dieux leur corps et leur teste ! Car s'il ne les prent tous en cure, Il sont de mort en aventure. (MACH., P. Alex., p.1369, 199). ...que (...) nous ordenions une certaine journée oudit pays de Flandres en certain lieu où Vos peussiez seurement venir demorer et retourner pour traictier de ladite paix (Doc. 1385. In : L. Mirot, Bibl. Éc. Chartes 57, 1896, 60). ...aprez laquele requeste, la journée a esté continuée en estat jusques a certain jour a venir, si comme dit nostredit oncle, lequel nous a sur ce requis nostre provision. (Trés. Reth. L., t.4, 1392, 332). Si orent conseil qu'ilz requerroient au roy Uriien une journee de traictier sur forme de paix, et le firent. Et le roy Uriien ot conseil que il l'accorderoit. Et fu la journee assignee par accort au tiers jour, entre les logeiz et la ville, et furent les trieves donnees ce pendant, et livrerent bons ostages. (ARRAS, c.1392-1393, 236). Lors vindrent a la journee les Sarrasins et leur conseil. Et, d'autre part, vint le roy Uriien et tous les barons de l'ost crestien, et parlementerent tant d'un costé et d'autre qu'ilz furent d'accort par my tant que les Sarrasins leur restituerent et rendirent quant qu'ilz avoient frayé sur le voyage (ARRAS, c.1392-1393, 236). ...à ycelles causes ont esté assignées et tenues plusieurs journées audit lieu de Tournay par les dessusdis commis de monseigneur le Roy et de nous, aians puissance et auctorité plainement de traitiier, pacifiier, ordonner et accorder des cas et coses dessusdictes. (Ch. VI, D., t.1, 1407, 303). ...aucuns avoient fait devers le Roy tant que ceans avoit esté mandé, et en l'Université, et ailleurs, que la journée estoit proroguée jusques à samedi prouchain pour faire ladicte response (BAYE, II, 1411-1417, 124). ...iceulx bailli, receveur et bourgmaistre se partirent de leurs hostelz pour estre audit lieu d'Anvers à une journee qui au VIe jour d'icellui mois se y tint pour ladicte cause (Comptes Etat bourg. M.F., t.3, 1418-1420, 576). ...à la journée qui présentement sera tenue audit lieu entre lesdits princes Eliseurs qui illec estoient assemblés (Ecorch. Ch. VII, T., 1445, 138). Ceulz qui y furent de ladicte marche, tenens le parti anglois, que pour estre a celle tressainte journee, vouldront [l. vouldrent] honorer et passer soubs la banniere du roy. (LA SALE, J.S., 1456, 193). Sur quoy les Frisons (...) tinrent plusieurs conventions et journées avecques les députés à ce (CHASTELL., Chron. K., t.3, c.1456-1471, 103). ...par journées et conventions secrètes (CHASTELL., Chron. K., t.3, c.1456-1471, 362). Iceluy de la Barde de par son maistre requit d'avoir journée assise pour disputer de la difficulté qui estoit entre ces deux rois (CHASTELL., Chron. K., t.4, c.1456-1471, 221). ...après plusieurs journees et assemblees tenues sur ladite mariere... (Doc. 1460. In : H. Stein, Bibl. Éc. Chartes 98, 1937, 311). Si ne fut pas la requeste moult entrant en l'affection du roy, et fit respondre que la journee ne s'en tiendroit de par luy, mes de la pluspart des articles la court de Parlement en aroit la cognoissance et que la on se trayst quy en aroit besoing. (CHASTELL., Chron. IV, D., c.1461-1472, 126). ...ledit nostre Saint Pere, aiant grant ceur a la journee que avoit establie a Mantue, tousjours sollicitoit d'icelle et affectoit fort que fruit en peust venir a la crestienté par l'assistence que les princes lui donroient. (CHASTELL., Chron. IV, D., c.1461-1472, 233). Mes toutevoies, afin que sa personne [du duc de Bourgogne] ne fut trouvee en nul deffault, et que une si haulte et salutaire journee comme ceste feust decoree par personne magnifique a l'exigent du cas et comme son ceur mesmes affectoit ja long temps avoit, avoit ordonné et conclu d'y envoier prince de son sang, le duc de Cleves son nepveu (CHASTELL., Chron. IV, D., c.1461-1472, 234). [Messire Pierre de Goux, ambassadeur du duc de Bourgogne auprès du roi de France :] Sire, touchant le fait de Lucembourg (...), [monseigneur de Bourgoingne], pour satiffaire a vous en ceste question, vous supplie humblement et requiert qu'il vous plaise lui ottroier journee et lieu ouquel vos gens puissent communiquier avecques les siens de ceste matere (CHASTELL., Chron. IV, D., c.1461-1472, 300). ...la journée qui a esté à Arras touchant la paix (LEFÈVRE ST-RÉMY, Chron. M., t.2, c.1462-1468, 375). ...vous escript que cependant vous ne bougez de par delà et que entretenez la matiere en maniere qu'elle ne tumbe en rumpture et que la journée soit continuée jusques en la fin de fevrier, et aussi que les voyes de fait cessent d'un costé et d'autre (Lettres Ch. VIII, P., Pièces justif., t.1, 1487, 389).

-

Journee amiable. V. amiable : ...et olrent trève viij sepmainne. Et en fuit on à journée admiable (...) ; maix on ne polt avoir acort (AUBRION, Journal L., 1465, 5).

-

P. ext. "Débat" : Or me fault tenir journée S'a moy sera ou autre mariée (DESCH., Oeuvres Q., t.5, c.1370-1407, 57).

3.

"Intervalle du jour où se réalise une tâche, une entreprise..., ce que l'on réalise pendant cette durée ; en partic. durée quotidienne de travail, partie ouvrable du jour, tâche, travail effectué" : "Frere," ce dist belle Aude, "comme va la journee ?" (Gir. Vienne D.B., c.1350-1400, 155). Si tost ne vendi mais pieça Mon charbon conme j'ay fait huy. Je m'en vois a l'ostel maishuy Liement : ma journée est faitte. (Mir. roy Thierry, c.1374, 293). Certes, maintes belles journées Ceulx qui telles ouvrages font Pour les mettre en l'estat qu'ilz sont Y ont mis, ce sachiez de voir, Et y gangnié de grant avoir (Mir. Rob. Dyable, c.1375, 12). Et, ce fait, afin que ledit Loquet, son maistre, ne s'apperceust dudit larrecin, et qu'il veoit que sondit maistre avoit assez tuile devant lui pour ouvrer en la journée, se parti dudit hostel sanz le sceu de sondit maistre (Reg. crim. Chât., II, 1389-1392, 350). En laquelle ville de Soussy il se aloua par journée seulement à un homme de labeur demourant en icelle ville, et gaignoit par chascun jour XVJ deniers parisis et ses despens, à mener les chevaulx d'icellui. (Reg. crim. Chât., II, 1389-1392, 377). De ces laboureurs vi je maint Laches, ribaux, faillis et faint En autrui labourage et faire Maint faulx ouvrage (...) Aler tart a journee et tost S'en partir (CHR. PIZ., M.F., II, 1400-1403, 78). ...faire son mestier et sa journee loyaument a son maistre (GERS., Gourm. II, G., 1402, 803). NOSTRE DAME [à Jésus]. (...) ...quant je regarde Que, pour elle [la rédemption] a effect mener, Vous estes voulu incarner En moy, noble journee ["entreprise"] feis. (GRÉBAN, Pass. J., c.1450, 219). ...une pièce de pré contenant trois quars de journée de homme ou environ (Doc. Poitou G., t.9, 1453, 329). Mons. le grant maistre, il ne se peult faire que es francs archiers que je vous envoiay hier qu'il n'y en ait de charpentiers et maçons. Je suis d'avis que on les doit faire besoingner en les paiant de leurs journées. (LE CLERC, Interp. Roye, c.1502, 290).

-

À journee. "À la journée" : LUCIFER. En après, te donne ung quartier, Sur tous ceulx qui sont de mestier, Qui gaignent deniers a journée ; Visite les a la tournée, Et leur faiz faulce journée faire. (Myst. st Adr. P., c.1450-1485, 7).

.

Besogner à journee : ...a par escript et par mémoire le temps que luy et les autres ouvriers commencèrent à besongner à journées audit pris de cinq solz tournois pour jour et le nombre des ouvriers et des journées, et pareillement de la plus grande partie des manouvriers. (Aff. Jacques Coeur M., 1453-1457, 222).

-

Estre aux journees de qqn. "Travailler pour qqn" : ...ledit Jamet suppliant envoya sadicte femme, ung nommé Françoys, nepveu d'icellui suppliant, et une jeune fille qui estoit aux journées dudit suppliant, amasser de la fougère en ung champ (Doc. Poitou G., t.11, 1469, 167).

-

Faire fausse journee. "Perdre sa journée de labeur" : En après, te donne ung quartier, Sur tous ceulx qui sont de mestier, Qui gaignent deniers a journée ; Visite les a la tournée, Et leur faiz faulce journée faire. (Myst. st Adr. P., c.1450-1485, 8).

-

"Salaire, paiement du travail effectué pendant un jour" : ...gaiges, salaires ou jounées convenables (Mand. Ch. V, D., 1373, 524). ...[ils] cueillirent iceulx roisins ès vignes dudit chevalier, en entencion de les lui porter au giste en son hostel, quant ilz iroient querre leurs journées de services fais en ladite sepmaine, se mirent à chemin pour y aler (Reg. crim. Chât., I, 1389-1392, 302). ...mais est vray que les vignes qu'il a environ ladite porte du Temple, il a alloués à faire en tache à un homme demourant près ladite porte, d'un nom duquel il n'est record, qui lui a dist que, en ladite sepmaine, iceulx prisonniers ont ouvré à ses despens et journées ès vignes de lui qui parle (Reg. crim. Chât., I, 1389-1392, 304). ...paravant le trespassement dudit defunct, icellui Hays estoit un très-povres homs, et aloit gaignier ses journées à batre plastre (Reg. crim. Chât., II, 1389-1392, 83). Cestui fut mandé par le pappe Honnoré, malade et n'y voulut aller, synon qu'il eust cent ducaz pour jour, qui lui fut accordé et y alla et fist tellement, au moïen de la science de astrologie et medicine, que le pappe fut en bref temps rendu sain, lequel lui donna, oultre ses journées, dix mil ducaz. (SIMON DE PHARES, Astrol., c.1494-1498, f° 127 r°).

-

"Mesure qui détermine la quantité des corvées" : Item, sont tenus fere haies à leurs despens une journee seullement ou buisson de la Grant Forest quant le roy notre dit signeur y veult cacher (...). Item, se il y a larrons ou dit buisson de la Grant Forest, ilz les sont tenus gaittier au pont de Ballery une journee pour les aidier à prendre, pourveu que avant il leur ait fait savoir par les sergans de la forest (HECTOR DE CHARTRES, Cout. R.B., 1398-1402, 71). Et si doivent une journée de sommage pour porter certaines avainez au chastel de Maulevrier (HECTOR DE CHARTRES, Cout. R., 1398-1408, 148).

-

Prov. : Qui oeuvre de bon cueur, il fait loyal journee. (Flor. Octav. L., t.2, c.1400, 778).

4.

[Avec un verbe de déplacement] "Intervalle du jour où l'on se déplace, journée de marche, de voyage, de navigation ; distance parcourue en un jour ; étape quotidienne d'un voyage" : Mére Dieu, temps est de mouvoir : J'ay, je croy, grant journée a faire. Courtoise vierge debonnaire, Donnez moy trouver cel hermite... (Mir. enf. diable, c.1339, 35). LE MESSAGIER. (...) or ay je tant fait Par mes journées que je voy De Chartres l'evesque Jeffroy ; A li voys parler sanz demour. (Mir. st Guill., c.1347, 12). "...Mais un po vous vueil demander, Afin qu'il n'i ait qu'amender, Combien ma dame est loin de ci ?" - "Guillaume, je respon einsi, Qu'il n'i a pas bien trois journées. Bel soient elles ajournées !" Dis je : "Or alons sans sejour, Si chevauchons et nuit et jour Pour les bons ma dame acomplir..." (MACH., J. R. Nav., 1349, 160). LE FOL. Il a d'Avignon jusqu'a Guant Par nuit bien demie journée. (Mir. parr., 1356, 17). Mon secretaire envoiai querre Qui estoit en estrange terre A .III. journees loing de mi (MACH., Voir, 1364, 608). ...voulentiers vous y menray, Voire a journées si petites Conme il vous plaira. (Mir. Amis, c.1365, 50). Son païs de XVI. journées [l'empereur Charles] A acreü, longues et lées. Or querez signeur qui ce face, Et qui tant ait honneur et grace. (MACH., P. Alex., p.1369, 32). Ce fait, de Prague se partirent. Or diray quel chemin il firent. Parmi Behaingne chevauchierent Trois journées, et puis alerent à Bresselau (MACH., P. Alex., p.1369, 39). Tant a erré par ses journées, Par froit, par chaut et par jalées, Qu'à Vienne vint sus la Denoe, à X. journées de Cracoe. (MACH., P. Alex., p.1369, 43). Atant se partirent dou Quaire. Tant ont erré par leurs journées En terre, en mer et en galées, Qu'il sont à Nimesson venu. (MACH., P. Alex., p.1369, 124). Li nobles roys, frans et gentis à son fait est si ententis Qu'avoir ne puet autre penser N'il ne saroit ailleurs penser. Tant a erré par ses journées En nés, en coques, en galées Qu'il vint devant Alayas. (MACH., P. Alex., p.1369, 213). Trois lieues vont, c'est leur plus grant journée. (DESCH., Oeuvres Q., t.1, c.1370-1407, 160). Aussi les chevaux des marchanz, qui sont gras et gros et sont au soujour, ne pourroient fournir une forte journee de courre, encontre mes coursiers, qui sont touz jours en alaine. (GAST. PHÉBUS, Livre chasse T., 1387-1389, 147). Et ainsi chevaucherent bien dix journees, tant qu'ils entrerent en Champaigne. (ARRAS, c.1392-1393, 155). Atant se desloge l'avant garde et la grosse bataille et l'arriere garde, et ont tant erré par leurs journees que ilz sont venuz en Bavieres. (ARRAS, c.1392-1393, 177). Et les festoia le duc Ostes trois jours, et au quart se partirent et prindrent congié du duc Oste, et chevaucherent tant que ilz approucherent Couloigne a une journee prez. (ARRAS, c.1392-1393, 193). ...par lesquelles parties nous mesurons aussi communement les duracions toutes et tous les mouvemens des choses temporeles, sy come nous disons que la vie humaine dure .LXX. ans communement et la vie d'un chien dure .X. ans et qu'il a de Paris a Avignon .XIJ. journees et de Paris a Rouen deux journees (EVR. CONTY, Eschez amour. mor. G.-T.R., c.1400, 224). Car a .X. journees de l'ost Loings descendy (CHR. PIZ., M.F., IV, 1400-1403, 59). ...jusques à ce que lesdiz religieux l'ayent paié et contenté de la somme de IIIIxxXIJ livres parisis, à lui tauxée pour ses journées, salaires et despens d'avoir esté au païs de Bourgongne querir lesdiz joiaux et les avoir fait apporter à Paris. (FAUQ., II, 1421-1430, 131). Saintré, a toute sa compaignie de gens d'armes et de trait, par leurs journees errerent tant qu'ilz sont venus en Prusse (LA SALE, J.S. E., 1456, 314). ...si se partit Gerard, et fist tant par ses journées qu'il vint ou pays de Barrois (C.N.N., c.1456-1467, 169). [Le seigneur de Simay, ambassadeur du duc de Bourgogne, au roi de France :] Monsieur votre filz est venu en Bourgoingne, et de la par longues journees, comme ung chevauceur, jusques a Bruselles. (CHASTELL., Chron. IV, D., c.1461-1472, 59). Or estoit nostre Saint Pere sur son partement de Senne (...). Si party de la ville de Senne et s'en vint a Florence (...). Et de la partant, s'en alla a Boulongne la Grasse, et puis a petites journees a Mantoie, la ou estoit assise la congregation (CHASTELL., Chron. IV, D., c.1461-1472, 221). ...et cheminerent tant par leurs journees qu'ils vindrent a la province des singes (MACHO, Esope R., c.1480, 138). Le samedi, .XI. jour de juillet, le roy partit aprés messe ouye bien matin pour aller a Tortonne, qui estoit une journee de la trop grande (LA VIGNE, V.N., p.1495, 293). ...le duc de Bourgongne chevauche à petites journées sans soy fort eslongier de Beauvais (LE CLERC, Interp. Roye, c.1502, 299).

5.

"Intervalle du jour où se déroule une bataille, d'un combat, d'un tournoi... ; bataille, combat, tournoi" : [Le roi] Si bien jousta et tournya Que mieus faisant de li n'i a, Si que l'onneur li fu donnée Et le pris de ceste journée. Apres li dus et la duchesse Dons d'onneur et de grant richesse Li donnerent à grant planté. (MACH., P. Alex., p.1369, 46). Par mi les jambes fu bleciez En pluseurs lieus, bien le sachiez. Et nompourquant ceste journée Fu pour son honneur adjournée. Les Sarrazins moult y perdirent Et nostre gent se retreïrent Tout bellement, car bien savoient Que le pas gaingnier ne pooient (MACH., P. Alex., p.1369, 153). Tant fist Remondin, celle journee, que chascuns disoit que le chevalier aux blanches armes avoit ferjoustee la feste. (ARRAS, c.1392-1393, 40). Et en la fin Remondin descendy a pié, et print sa lance qui gesoit par terre, et en vint le grant pas vers son ennemy, lequel se destournoit de lui, et le faisoit aler après lui parmy le champ, car il avoit si bien cheval a main qu'a fin souhait. Et en ce party cuidoit bien lasser Remondin tant que la journee se passast. Mais Remondin s'avise, et vint a son cheval, et prist l'estrier a une main et en l'autre main la lance, et s'en vint pas pour pas vers son ennemy. (ARRAS, c.1392-1393, 63). La victoire ne gist pas en grant multitude de peuple, mais en bon gouvernement. Alixandre, qui tant conquist, ne voult oncques avoir que dix mil hommes contre tous pour une journee. (ARRAS, c.1392-1393, 99). Mais partons nous de cy, car il est bien temps de reposer. Car vous avez fait journee assez qui bien doit souffire, et aussi nous sommes pou de gent et prez de noz ennemis, qui ont grant puissance (ARRAS, c.1392-1393, 233). ...celui qui submettroit son compaignon avroit l'onneur de la journee [du tournoi] (Percef. III, R., t.1, c.1450 [c.1340], 64). Et les gens desordonnees Qui point n'estoient corrigiez Ont perdu maintes journees Ou mains bons homs sont demourez. (LA SALE, Sale D., 1451, 125). Et lors monseigneur du Maine, monseigneur l'admiral de Montauban, le seigneur de la Barde et autres cappitaines qui bien avoient de VII à VIIIc lances, se retrahirent et s'en alerent et habandonnerent ainsi le roy, et, à ladicte journée, nul des dessusdiz n'y frapa un seul cop (ROYE, Chron. scand., I, 1460-1483, 67). ...et si bouterent en ladicte ville deux bien belles serpentines avecques ung gros canon de cuivre nommé l'un des Douze Pers, que le roy, à la journée ou rencontre de Montlehery, y perdi. (ROYE, Chron. scand., I, 1460-1483, 278). ...le seigneur de Montagu, ung chevalier de Bourgoingne, qui maleureusement s'en fuy a la journee d'Anthon aveuc le prince d'Orrenges (...) ; si fu privé du colier [de l'ordre de la Toison d'or] et de la religion pour ceste cause (CHASTELL., Chron. IV, D., c.1461-1472, 122). ...es grans batailles et journées Dieu donne à qui luy plaist victoire (MART. D'AUV., Mat. Vierge L.H., c.1477-1483, 26). Je vous sains de l'espee doree Comme preux, vaillant chevalier, Que vous ne refusez journee En quelque lieu ou vous aillez (Myst. siège Orléans H., c.1480-1500, 559). ...car, d'une part et d'autre, dura très longtemps la deffence, et à diverses journées et assaulx finablement fut prinse [la cité de Jotapata] par les Romains (SIMON DE PHARES, Astrol., c.1494-1498, f° 74 v°). Cestui fut devers le conte Baudoyn de Flandres et fut à la journée de Constantinoble et y mourut. (SIMON DE PHARES, Astrol., c.1494-1498, f° 123 v°). Aucuns dient qu'il predist la prinse du roy Jehan à Poictiers sur la nativité de Geuffroy de Charigni, qui à icelle journée porta l'auriflamme. (SIMON DE PHARES, Astrol., c.1494-1498, f° 140 r°). Laurens de Vallance ou Dauphiné, souverain clerc et bon astrologien, fut en ce temps en Hugarie à la journée qui fut oultre le Danubbe, où furent les Turcqs villainement et honteusement deffaiz (SIMON DE PHARES, Astrol., c.1494-1498, f° 156 v°). Cestui predist au roy Charles de la journée de Formigny, l'an mille IIIIcL, où furent tuez IIIImVcLXXIIII Anglois (SIMON DE PHARES, Astrol., c.1494-1498, f° 157 r°). Premierement il estoit monté sur le cheval qu'il avoit le jour de la journee de Fournoue (LA VIGNE, V.N., p.1495, 304). Passevent, va tost, je te prie, Devant dire que nous venon Et que conquise nous avon La journee sur noz ennemys. (Myst. st Laur. S.W., 1499, 166).

-

Avoir belle journee./Gagner la journee./Obtenir la journee. "Remporter la victoire, être vainqueur" : Aux chevaulx ; [Aux] chevaulx ; No journé est gangnee (Gir. Vienne D.B., c.1350-1400, 208). ...chacun lui disoit qu'il s'en retournast en son navire et qu'il avoit eu belle journee (Bouciquaut L., 1406-1409, 243). ...l'archevesque de Coullongne (...), au mois d'aoust derrain passé, avoit gaingnié une journée contre le duc de Brezviq (ESCOUCHY, Chron. B., t.2, a.1465, 269). ...le conte de Charrolois avoit obtenu la journée et gaigné la bataille. (LA MARCHE, Mém., III, c.1470, 19).

.

La journee est à / pour. "La victoire est à" : Mais le roy, qui moult par fu vaillans homs et fort et roides, cria en hault : Ausaiz ! Avant, seigneurs barons, ne vous esbahissiez pas, la journee est a nous. Faisons leur un bon poindre et nous tenons ensemble et tantost les verrez desconfiz se nous nous povons un pou tenir contre eulx. (ARRAS, c.1392-1393, 161). ...et cherchoient à l'emmener prisonnier, car cuidoient encorres la journée estre pour eux (CHASTELL., Chron. K., t.1, c.1456-1471, 267).

-

Donner journee (à qqn). "Fixer une date à qqn pour un tournoi, un combat" : Par Dieu, Olivier, ce n'avendra, tant comme je vive, en ma court, que ung seul chevalier combate deux autres pour une mesme querelle. Et est grant honte a vous d'avoir pensé si grant lascheté en vostre cuer. Et sachiez que vous ne monstrez pas que vostre pere ait bonne querelle. Et descy je vous donne journee, a la requeste du chevalier, de la bataille, au jour qu'il lui plaira assigner. (ARRAS, c.1392-1393, 60). Par foy, fait ce le chevalier, encore ay je plus grant merveille comment tu pues tant durer encontre ma puissance. Je te donne journee a demain, car il est huy mais trop tart. Et me trouveras en ces beaulx prez, la dessoubz, sur la riviere, par dela, monté et armé, pour toy callengier mon droit, mais que tu m'asseures que personne ne passera la riviere que toy. (ARRAS, c.1392-1393, 299). Il donna la journée et entreprint la bataille contre lesdiz Anglois devant sa ville de Vernueil (CAGNY, Chron. M., 1436, 22).

III. -

P. méton. [Correspond à jour IV (mesure agraire)] "Étendue de terre que l'on pourrait labourer en une journée (si elle est cultivée ou si elle était cultivable)" : Et d'ençaint fist avironner .III. grans journees de paÿs (CHR. PIZ., M.F., III, 1400-1403, 58). ...il luy avoient tolu une journee de terre (Chev. papegau H., c.1400-1500, 55). ...le grant cité de Ninive, qui a .IIJ. journees de long (LA SALE, J.S. E., 1456, 322).

-

n journees de long : ...et fonda la grande cité que l'on dit Nysybin, de trois journées de long. (SIMON DE PHARES, Astrol., c.1494-1498, f° 17 v°). Cestui Nynus fist fonder une cité dicte Tayse qu'il nomma de son nom et avoit trois journées de long, comme dit Jonas le prophete, d'un costé à l'autre. (SIMON DE PHARES, Astrol., c.1494-1498, f° 17 v°). Fist aussi mesurer toute la mer et la terre et nombrer isles et regions, et est recité d'une forest appellée Hercine, que l'on dit avoir IX journées de long en laquelle sont diverses espesses de bestes comme unicornes, beufz, ours et semblables (SIMON DE PHARES, Astrol., c.1494-1498, f° 69 v°).