B. - | "Se trouver dans un état d'affaiblissement et d'abattement dû à la tristesse, à la mélancolie, et particulièrement à la passion amoureuse, dépérir moralement" : Mais quant je pensay ensement Comment je l'aim trés loyaument, Et elle n'a cure de moy, Einsois me fait peinne et anoy Et me fait en dolour languir, Pour ce que je l'aim et desir, Et qu'elle me deüst par droit Des biens amoureus orendroit Faire aucune joie esperer, Et elle me fait desperer ([MACH., D. verg., a.1340, 17]). Mais sa bouchette, Petite a droit, vermillette, grossette, Toudis riant, savoreuse, doucette, Me fait languir, quant mes cuers la regrette. ([MACH., J. R. Beh., c.1340, 70]). Pour ce que Compaingnie, Amour, Biauté et Juenesse la lie, Et Loiauté, qu'oublier ne vueil mie, En grant folie, En rage, en dueil et en forcenerie Le font languir, et en grant jalousie, Et en peril de l'ame et de la vie. ([MACH., J. R. Beh., c.1340, 122]). Pour ce que Compaingnie, Amour, Biauté et Juenesse la lie, Et Loiauté, qu'oublier ne vueil mie, En grant folie, En rage, en dueil et en forcenerie Le font languir, et en grant jalousie, Et en peril de l'ame et de la vie. ([MACH., J. R. Beh., c.1340, 122]). Ne Souvenirs ja mais ne m'aideroit, Car desconfort toudis m'aporteroit, Merencolie en moy se bouteroit, Pour moy detraire. Dont Tristece toudis en moy seroit, Mes corps sans cuer long de vous languiroit, Si que durer longuement ne porroit En tele haire. ([MACH., Compl., 1340-1377, 260]). Car m'amour donnay en jouvente, Cuer, corps, ame, vie et entente, A ma trés douce dame gente, Plaisant et gaie. Las ! or langui en grief attente Et vif en pensée dolente : C'est le guerredon, c'est la rente Qu'Amours me paie. ([MACH., R. Fort., c.1341, 49]). Pour Dieu, dame, tant vous fiez De moy, las ! que vous m'ociez, En moy disant sans couverture Que vous n'avez mais de moy cure. Car il me vaut trop mieus morir Pour vous a un cop que languir. ([MACH., R. Fort., c.1341, 154]). Sire, en tristesce et en doulours Vif, dont languis et languiray Tant que confessée seray ([Mir. femme roy Port., c.1342, 190]). ...un riches homs, gaiz et jolis, A du tout son cuer en vous mis (...) Et tout aussi qu'uns affamez Seiche et languist pour vous sur terre. ([Mir. Theod., 1357, 74]). Je languis pour toie amistié ["à espérer ton amitié"], Et si n'en has nulle pitié. ([MACH., Voir, 1364, 642]). Quant je la voy, mes cuers est si espris Qu'il art et frit si amoureusement Qu'à ma maniere appert et à mon vis ; Et quant loing sui de son viaire gent, Je langui à grant dolour : Tant ay desir de veoir sa valour. ([MACH., Bal., 1377, 552]). Jamais ne quier joie avoir, Bien d'amours ne reconfort, Ainsois vueil au desespoir De la dolour que je port Toute ma vie languir, Et puis à dolour morir, Se pour longue demourée Bonne amour est oubliée. ([MACH., L. dames, 1377, 43]). Helas ! einsi languiray Tous seus, sans cuer et sans joie, Et en doubtance seray De vous qu'oubliés ne soie. ([MACH., L. dames, 1377, 105]). Amours, ma dame et Fortune et mi oueil Et la tres grant biauté dont elle est pleinne Ont mis mon cuer, ma pensée et mon vueil Et mon desir en son tres dous demainne. Mais Fortune seulement Me fait languir trop dolereusement Et trop me fait avoir peinne et anoy, Quant seur tout l'aim et souvent ne la voy. ([MACH., L. dames, 1377, 204]). Si n'y a meilleur que soustenir par ung peu de temps la doleur de penitence, qui maine a garison, affin que on ne languisse pas ainsy par mauvaise convoitise et male arsure jusques a la fin. ([GERS., Déf., 1400, 243]). |
C. - | "Souffrir, dépérir (d'une situation pénible, des peines de l'enfer, d'un travail harassant...)" : Jamés ne ferons que lainguir [en enfer], Que ne vault tant crier ne braire, Faisons du pis que pourons faire, Jamés autre plessir n'aray Que faire du pis que pouray. ([Pass. Semur D.M., c.1420 [1488], 11]). LE SERGENT. A la mort, helas, que je soye Bien tost gecté où je doys estre, Sans tant languir. ([Sav. serg. D.L., c.1480-1490, 36]). LE CRESTIEN. En mon fait je ne me congnois, Je vois tousjours en languissant. LA FEMME. Jesus, redempteur tout puissant, Et sainct Nicolas glorieux Nous feront en la fin eureux Se [nous] mettons peine a gaigner. LE CRESTIEN. J'entends bien qu'il fault besongner Qui veult vivre, mais le moyen Pour parvenir d'avoir du bien ? N'est que l'estat de marchandise Et nous n'avons rien. ([Mir. st Nic. juif, c.1480-1500, 82]). DIEU. [à Adam]. Malediction durement Sera sur terre en ton ouvrage, Car tu languiras povrement En vivant de ton labourage. ([Myst. Pass. Troyes B., a.1482, 64]). |
